Здароўе1616

У беларускіх радзільнях няма прэпарату, які неабходны нованароджаным

Згодна з беларускімі пратаколамі, усім немаўлятам павінны ўводзіць вітамін К адразу пасля нараджэння. Але канакіёну няма не першы месяц ні ў радзільнях, ні ў аптэках краіны.

Ілюстрацыйны здымак. Фота: «Наша Ніва»

Канакіён (вітамін K1) уводзяць для прафілактыкі гемарагічнай хваробы нованароджаных — небяспечных крывацёкаў, якія могуць узнікнуць праз дэфіцыт вітаміну K у дзіцяці. Ён дапамагае печані выпрацоўваць фактары згусання крыві і зніжае рызыку ўнутраных і вонкавых крывацёкаў.

Застацца без вітаміну К асабліва небяспечна дзецям, якія знаходзяцца ў зоне рызыкі — напрыклад, неданошаным.

Журналістка «Нашай Нівы» назвалася будучай маці і звярнулася ў дзесяць розных радзільных дамоў Беларусі. Усюды пацвердзілі — вітаміну К (канакіёну) ў іх няма. Калі бацькі маюць магчымасць, лепш прынесці свой.

Супрацоўнік адной з радзільняў расказаў, што вітаміну К у іх няма ажно з ліпеня:

«Чаму няма? Добрае пытанне. Штогод радзільні падаюць справаздачы, колькі дзяцей сёлета нарадзілася — і зыходзячы з гэтых даных павінны прыкладна разлічыць, колькі якіх медыцынскіх сродкаў неабходна закупіць на будучы год. Ведаю, што летам канакіён быў у дзвюх аптэках у Баранавічах — некаторыя бацькі туды па яго ездзілі».

На гэты моманта канакіёну няма ва ўсіх аптэках Беларусі. Суразмоўца кажа, што тыя бацькі, якія ведаюць і разумеюць, наколькі неабходны вітамін К, самастойна набываюць прэпарат ці ў Еўропе, ці ў беларускіх перакупшчыкаў.

Перакупшчыкі просяць за ўпакоўку з пяці ампул ад 180 да 230 рублёў. Для аднаго дзіцяці неабходна адна ампула — за яе просяць 46 рублёў.

Яшчэ ў адной радзільні выказалі спадзяванні, што канакіён з’явіцца ў снежні. Аднак пакуль гэтага гарантаваць не могуць, дакладная дата пастаўкі невядомая.

Каментары16

  • 911
    07.12.2025
    Эфект санкцый вiдавочны, як бы хто не пiсаў. Усё як пры жалезнай заслоне. Але трэба шукаць шляхi iншых паставак. Калi немагчыма з Эўропы i ЗША, то павiнны прапрацоўвацца магчымасцi паставак з Iндыi, цi iншых краiн з якiмi гандль яшчэ магчымы.
  • Ну не
    07.12.2025
    911, санкцыі ніколі не дзейнічалі на лекі. Тут хутчэй за ўсё проста сэканомілі. Так ужо неаднойчы ра білі. Напрыклад, перад еўрапейскімі гульнямі ў Мінску моцна скарацілі закупку лекаў для людзей з самымі рознымі хваробамі - гемафілітыкі дык увогуле ў жудасную сітуацыю тады трапілі. Мала таго, што скарацілі колькасць закупак, дык яшчэ пачалі набываць самы танны прэпарат, які падыходзіў далёка не ўсім.
  • ксм
    07.12.2025
    С каких то пор вдруг стало жизненно необходим этот препарат? Очередная авантюра врачей и фармацевтов. В наше время и время моих детей об этом и не слыхали, и росли все нормально!

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць