Восем тысяч удзельнікаў вайны асудзілі ў Расіі па крымінальных артыкулах
«Новая газета Еўропа» выявіла 8 тысяч прысудаў у дачыненні да былых і дзейных удзельнікаў вайны ва Украіне паводле «грамадзянскіх» артыкулаў (за выключэннем самаволкі, дэзерцірства і г. д.).
Каля 7 тысяч прысудаў былі вынесены судамі агульнай юрысдыкцыі, то-бок у дачыненні да ветэранаў, якія ўжо вярнуліся дадому. Яшчэ тысячу такіх прысудаў па крымінальных справах аб «грамадзянскіх» злачынствах мы выявілі ў ваенных судах — у іх судзяць дзейных вайскоўцаў.
Калі верыць афіцыйным даным, з фронту дадому вярнуліся 137 тысяч вайскоўцаў, паведамлялі ў адміністрацыі прэзідэнта ў канцы чэрвеня. Такім чынам, атрымліваецца, што прыкладна 6% ад тых, хто вярнуўся, ужо асуджаныя ў межах крымінальных спраў.
Больш за 900 ветэранаў так званай «СВА» былі асуджаныя за гвалтоўныя злачынствы — забойствы і бойкі. 379 пацярпелых загінулі. Таксама ветэранаў прыцягваюць па артыкулах, звязаных з крадзяжамі, выкраданнямі аўто і іншай маёмаснай шкодай (3 тыс. чалавек), парушэннямі ПДР (1,8 тыс.), абаротам наркотыкаў (1,5 тыс.) і махлярствамі (амаль 400 чалавек).
Каментары