За хабар затрымалі топ-менеджара аднаго з найбуйнейшых аграпрадпрыемстваў Гродзенскай вобласці
Сілавікі затрымалі 45‑гадовага намесніка дырэктара аднаго з вядучых прадпрыемстваў АПК Гродзеншчыны. Сілавікі сцвярджаюць, што топ-менеджара ўзялі ў момант атрымання буйной сумы грошай.
Паводле звестак МУС, затрыманне праводзілі аператыўнікі пры падтрымцы спецназа «Алмаз».
Мужчына атрымаў 58 тысяч долараў за арганізацыю адгрузкі прадукцыі прадпрыемства для наступнага продажу ў «суседняй дзяржаве». Следства сцвярджае, што мужчына выкарыстоўваў «хітрую канспірацыю», аднак гэта не дапамагло пазбегнуць затрымання.
У ходзе праверкі высветлілася, што гэта быў не адзінкавы выпадак: агульная сума атрыманых ім хабараў перавышае 100 тысяч долараў.
Заведзена крымінальная справа. Затрыманаму пагражае да 15 гадоў пазбаўлення волі.
Прадпрыемства, дзе ён працуе, не называецца.
Каментары
Как говорят, - "Рыба гниет с головы".
Вот так мы, примерно, и живём - сплошной теневой круговорот в лукономике. Куда ни копни - практически любого субъекта хозяйствования можно взять за зад и посадить. Это всего лишь одна из базовых и распространенных схем.