«Я проста прашу кавалак лёду». Трамп сказаў, што не будзе захопліваць Грэнландыю сілай
Выступаючы на Сусветным эканамічным форуме ў Давосе, прэзідэнт ЗША Дональд Трамп зноў заявіў, што разглядае Грэнландыю як аб’ект магчымай куплі. Па яго словах, «толькі ўласнасць можна сапраўды абараніць», таму менавіта ЗША, а не Еўропа ці НАТА, здольныя гарантаваць бяспеку вострава.
Трамп заявіў, што не збіраецца выкарыстоўваць ваенную сілу і імкнецца да «неадкладных перамоў» аб куплі Грэнландыі, спасылаючыся на стратэгічныя інтарэсы Вашынгтона.
Звяртаючыся да генеральнага сакратара НАТА Марка Рутэ, ён адзначыў, што Вашынгтон, маўляў, «ніколі нічога не атрымліваў ад альянсу», акрамя выпадкаў, калі пагражаў празмернай сілай. Пры гэтым Трамп падкрэсліў: «Але гэтага я рабіць не буду. Гэта маё галоўнае абяцанне — я не прымяню гвалт».
«Усё, што ЗША просяць — месца пад назвай «Грэнландыя», якое ў нас ужо было, але якое мы аддалі Даніі пасля таго, як перамаглі немцаў, японцаў, італьянцаў і іншых у Другой сусветнай. Мы былі вельмі магутным войскам тады, але мы куды больш магутнае войска цяпер», — заявіў Трамп. Пасля ён сфармуляваў гэта яшчэ прасцей: «Я хачу толькі кавалак лёду».
Ён таксама раскрытыкаваў грэнландцаў за «няўдзячнасць», заявіўшы, што «для ЗША было дурнотай вяртаць Грэнландыю Даніі».
У канцы прамовы Трамп перайшоў да больш рашучых фармулёвак, пасылаючы саюзнікам па НАТА недвухсэнсоўны сігнал: «Вы можаце сказаць «так», і мы будзем вельмі ўдзячныя. Ці сказаць «не» — і мы гэта запомнім».
Прамова, якая доўжылася амаль паўгадзіны, не выклікала апладысментаў — зала рэагавала толькі рэдкім смехам пасля агаворак і рэзкіх заяў. Прэзідэнт таксама паскардзіўся на «нясправядлівае стаўленне» да ЗША ў НАТА, адзначыўшы, што Амерыка ўкладае ў альянс больш за ўсіх, але атрымлівае мала ўзамен.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
Ну я як заўжды са сваім любімым кантэкстам. Абмазаны сырным Чытасам шасьціразовы банкрот тут як заўжды хлусіць як дыхае. ЗША сапраўды мелі фактычны вайсковы кантроль над Грэнляндыяй пасьля акупацыі Гітлерам мацерыковай Даніі. Але вайсковы кантроль ЗША над Грэнляндыяй прадугледжваў тады толькі абарону, каб востраў не паўтарыў лёс мацерыковай часткі. І ўсё. Гэты кантроль ніяк не зьмяняў юрыдычны статус Грэнляндыі – у сталіцы Грэнляндыі не спускаўся дацкі сьцяг, нават дзейнічала далей дацкая адміністрацыя, якая мела поўную свабоду дзеяньняў (напрыклад, нават прадстаўляла Данію ў Вашынгтоне ў афіцыйным дыпламатычным рангу).