З Санкт-Пецярбурга запусцяць аўтобус у гарадскі пасёлак на мяжы Віцебскай і Мінскай абласцей
Таксама будзе аўтобус у Баранавічы.
«Запускаем два новыя міжнародныя аўтобусныя рэйсы ў беларускія гарады: Баранавічы і Бягомль. Першы адправіцца ўжо ў суботу», — паведамляе пецярбуржскі тэлеграм-канал «Начальнік транспартнага цэху».
Аўтобусы будуць адпраўляцца з аўтавакзала Санкт-Пецярбурга.
Першы рэйс па маршруце № 0608 «Санкт-Пецярбург — Баранавічы» запланаваны на 23:30 суботы. Аўтобус дабярэцца да месца прызначэння праз 14 гадзін з прыпынкамі ў Віцебску і Мінску. Рэйс будзе ажыццяўляцца раз на тыдзень — па суботах.
Аўтобус па маршруце № 3189 «Санкт-Пецярбург — Бягомль» будзе курсіраваць праз дзень з 5 лютага. Час адпраўлення — 22:00. Па шляху запланаваны прыпынак у Пскове. У Бягомль аўтобус прыбудзе праз 11 гадзін.
Пасажыраў будуць абслугоўваць новыя сучасныя аўтобусы вялікага класа, разлічаныя амаль на 50 чалавек. Транспарт абсталяваны ўсім неабходным для доўгіх паездак: санвузламі, сістэмамі клімакантролю, USB-раздымамі для зарадкі гаджэтаў, Wi-Fi.
Бягомль — гарадскі пасёлак у Докшыцкім раёне на мяжы Віцебскай і Мінскай абласцей, на трасе Мінск — Віцебск. Цэнтр сельсавета, насельніцтва 2300 чалавек. Да Мінска — 101 км.
Цяпер чытаюць
У Кіеве за шпіянаж арыштавалі беларускую журналістку Іну Кардаш. Кажуць, з 2015 года яна працавала на КДБ21
Каментары
A ŭ Biahoml zachodzić transpart jak z Viciebsku, tak i z boku Brasłava, nie pavinna być prablemaŭ.
Adzin biezumoŭny minus, tam, na autavakzale, tualety strašnyja, chalera, ale kaštujuć, jak pačak cyharetaŭ, a kluč na kasie, dzie siadzić zluščy, jak 100 kitajskich sabak, piersanał...