У Ганконгу адкрылася выстава да юбілею Лабубу. Аказваецца, гэтая лялька ўжо з гісторыяй
У Ганконгу адкрылася выстава Monsters by Monsters: Now and Then, прысвечаная 10‑годдзю персанажа Лабубу. Яе можна наведаць у цэнтры Asia Society Center да 4 студзеня. Аўтарам Лабубу з’яўляецца ганконгскі мастак і пісьменнік Касінг Лунг (Лун Цзяшэн).
Экспазіцыя знаёміць наведвальнікаў не толькі з Лабубу, але і з іншымі героямі, створанымі Лунгам. Коміксы серыі The Monsters з’явіліся яшчэ ў 2015 годзе, аднак сапраўдная папулярнасць персанажа расла паступова. Вобраз Лабубу — зубастага эльфа з заячымі вушамі — заснаваны на матывах скандынаўскай міфалогіі.
Ключавым момантам у гісторыі персанажа стаў 2019 год, калі кампанія Pop Mart падпісала з аўтарам дамову на выпуск цацак паводле яго твораў. У 2024 годзе Лабубу стаў адным з самых запатрабаваных калекцыйных персанажаў ва Усходняй і Паўднёва-Усходняй Азіі — ад Ганконга і Кітая да Японіі і Тайланда. А ўжо да 2025 года герой выйшаў на сусветны рынак і стаў пазнавальным у ЗША і Еўропе.
Сёння калекцыя Лабубу налічвае больш за 300 розных варыянтаў — яны адрозніваюцца колерам, формай і памерам. На выставе паказаныя плюшавыя, пластыкавыя і нават надзіманыя версіі лялек.
Арганізатарам выставы выступіла кампанія How2Work. Як адзначыў яе прадстаўнік Марка Чунг, экспазіцыйная прастора падзеленая на тэматычныя зоны, дзе можна прасачыць гісторыю стварэння серыі The Monsters, эвалюцыю вобразу Лабубу, а таксама развіццё іншых персанажаў — Зімамо, Тыкока і Пато.
Стваральнік Labubu трапіў у топ-100 мільярдэраў свету
«Матрошкамі ўжо не здзівіш». У Расіі заклікалі стварыць свой аналаг Лабубу
Вытворца лялек Лабубу абышоў па сваёй капіталізацыі «Газпрам»
Дызайнеркі прапанавалі беларускую альтэрнатыву папулярнай ляльцы Лабубу
У Расіі зарэгістравалі гібрыд Чабурашкі і Лабубу
Цяпер чытаюць
«Лена 20 рублёў» узялася за старое: знакамітая махлярка зноў разводзіць даверлівых беларусаў10
Каментары