Для паставак у Крым паліва расіяне выкарыстоўваюць цыстэрны для вады і малака
Як паведамляе агенцтва Reuters са спасылкай на ўкраінскіх вайскоўцаў, расійскі бок выкарыстоўвае новыя спосабы маскіроўкі паставак паліва ў Крым і ў прыфрантавыя раёны, каб ускладніць іх выяўленне ўкраінскімі беспілотнікамі.
Сцвярджаецца, што для перавозкі паліва часам выкарыстоўваюцца аўтацыстэрны, аформленыя як машыны для перавозкі вады або малака. Па словах украінскіх вайскоўцаў, пасля ўдараў па такіх аўтамабілях высвятлялася, што ўнутры знаходзіліся бензін або дызельнае паліва.
Таксама, паводле гэтых звестак, паліва і іншыя грузы дастаўляюць невялікімі калонамі, якія суправаджаюцца ўзброенымі аўтамабілямі, выкарыстоўваюць менш загружаныя дарогі, а для транспартавання задзейнічаюць у тым ліку невялікія машыны, квадрацыклы і матацыклы.
Паліва і іншыя запасы захоўваюць у замаскаваных сховішчах, закінутых будынках і сельскагаспадарчых аб'ектах. Акрамя таго, некаторыя цывільныя аўтазаправачныя станцыі нібыта выкарыстоўваюцца для захоўвання запасаў паліва для вайскоўцаў.
Апошнія месяцы ўкраінскія сілы актыўна наносяць удары па лагістычных маршрутах на тэрыторыях, якія кантралюе Расія. Гэта прывяло да сур'ёзных цяжкасцяў з пастаўкамі паліва ў акупаваны Крым. Цяпер на частцы аўтазаправачных станцый Крыма дзейнічаюць абмежаванні на продаж паліва, а ў Севастопалі яго адпускаюць па QR-кодах. Таксама значна ўзраслі цэны на бензін.
Акрамя таго, украінскі бок сцвярджае, што Расія ўзмацняе выкарыстанне сродкаў радыёэлектроннай барацьбы для падаўлення сувязі Starlink, якой карыстаюцца ўкраінскія аператары беспілотнікаў. Паводле гэтых звестак, украінскія сілы таксама наносяць удары па такіх сістэмах.
Чаму Крэмль не здольны спыніць паліўны крызіс у Маскве нават цаной татальнага дэфіцыту ў рэгіёнах
У Севастопалі праз амаль тыдзень аднаўляюць продаж бензіну
У Расіі спецназ затрымаў агрэсіўнага крымінальніка, які напярэдадні спрабаваў заправіцца без чаргі і абражаў людзей
У анексаваным Крыме ўвялі рэжым надзвычайнай сітуацыі рэгіянальнага характару
«У нас усё спакойна». Беларускі санаторый у Крыме не папярэджвае гасцей пра небяспеку
Беларуска не паверыла інтэрнэту і пацягнулася ў Крым
Каментары