Міліцыя затрымала таго самага расійскага турыста, які кінуў недакурак на вуліцы. Заўтра суд
Гісторыя з недакуркам стала шырока вядомая, бо малады музыкант-беларус зрабіў заўвагу мужчыну, што той смеціць, а ў адказ атрымаў мацерныя абразы.
Міліцыя вылічыла расіяніна, які кінуў недакурак, па відэа.
Малады чалавек ішоў па Нямізе, адной з цэнтральных вуліц Мінска з маці. Ён кінуў недакурак якраз туды, дзе камунальшчыкі толькі што прыбралі. Беларус зрабіў яму заўвагу — у адказ пачуў агрэсію і расейскія мацюкі.
5 ліпеня прэсавая служба мінскай міліцыі паведаміла, што ў выніку аператыўна-вышуковых мерапрыемстваў ахоўнікі парадку вызначылі асобу гэтага госця сталіцы і затрымалі яго. Ім аказаўся 18‑гадовы расіянін. Як патлумачыў праваахоўнікам хлопец, яны з маці прыехалі да сваякоў у Мінск і гулялі.
На маладога чалавека склалі адміністрацыйныя пратаколы — суд разгледзіць яго справу ў панядзелак 6 ліпеня.
Ідэнтыфікацыя людзей цяпер магчымая, таму што горад накрыты шчыльнай сістэмай відэаназірання з ідэнтыфікацыяй твараў.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць15
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары
Таму ён і адчуваў сябе, як дома.
Каб мінчук карыстаўся беларускай мовай, маглоб усё быць інакш.