Вясковец у Мазырскім раёне забраўся на чужое лецішча, выпіў гарэлкі, закусіў і заснуў у ложку
У вёсцы Халаднікі Калінкавіцкага раёна невядомы забраўся на лецішча і вырашыў культурна адпачыць.
У пошуках каштоўнасцяў ён перавярнуў усе рэчы, выпіў бутэльку гарэлкі і закусіў прадуктамі, што былі ў доме, а калі сілы пакінулі — задрамаў у гаспадарскай пасцелі…
Калі ў сярэдзіне лістапада гаспадыня зайшла ў свой дом, яна жахнулася: акно разбітае, па пакоях нібы «прайшоў ураган». Жанчына звярнулася ў міліцыю.
Спецыяліст Мазырскага міжраённага аддзела Дзяржаўнага камітэта судовых экспертыз падчас агляду месца здарэння выявіў сляды пальцаў рук. Пры праверцы з выкарыстаннем дактыласкапічнай ідэнтыфікацыйнай сістэмы ў той жа дзень удалося ўстанавіць асобу падазраванага.
Ім аказаўся 43‑гадовы мужчына, які раней неаднаразова быў судзімы за здзяйсненне маёмасных злачынстваў. Мужчыну затрымалі, ён прызнаўся ў зробленым.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак6
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары