Viaskoviec u Mazyrskim rajonie zabraŭsia na čužoje lecišča, vypiŭ harełki, zakusiŭ i zasnuŭ u łožku
U vioscy Chaładniki Kalinkavickaha rajona nieviadomy zabraŭsia na lecišča i vyrašyŭ kulturna adpačyć.
U pošukach kaštoŭnaściaŭ jon pieraviarnuŭ usie rečy, vypiŭ butelku harełki i zakusiŭ praduktami, što byli ŭ domie, a kali siły pakinuli — zadramaŭ u haspadarskaj paścieli…
Kali ŭ siaredzinie listapada haspadynia zajšła ŭ svoj dom, jana žachnułasia: akno raźbitaje, pa pakojach niby «prajšoŭ urahan». Žančyna źviarnułasia ŭ milicyju.
Śpiecyjalist Mazyrskaha mižrajonnaha adździeła Dziaržaŭnaha kamiteta sudovych ekśpiertyz padčas ahladu miesca zdareńnia vyjaviŭ ślady palcaŭ ruk. Pry praviercy z vykarystańniem daktyłaskapičnaj identyfikacyjnaj sistemy ŭ toj ža dzień udałosia ŭstanavić asobu padazravanaha.
Im akazaŭsia 43‑hadovy mužčyna, jaki raniej nieadnarazova byŭ sudzimy za ździajśnieńnie majomasnych złačynstvaŭ. Mužčynu zatrymali, jon pryznaŭsia ŭ zroblenym.
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Kamientary