Урад Ірака зацвердзіў план нацыяналізацыі аперацый на нафтавым радовішчы «Заходняя Курна — 2», якое на 75% належыць расійскаму «Лукойлу» і з’яўляецца яго найбуйнейшым замежным актывам, паведамляе Reuters.
На працягу года кіраванне радовішчам возьме на сябе дзяржаўная іракская кампанія Basra Oil. Мэта ўрада Ірака — забяспечыць бесперапынную здабычу нафты на фоне санкцый ЗША супраць «Лукойла». Падчас гэтага перыяду Basra Oil будзе выплачваць заробкі работнікам, аплачваць работу падрадчыкаў і несці іншыя аперацыйныя выдаткі.
Здабыча на радовішчы захоўваецца стабільнай — каля 465—480 тысяч бараляў на суткі.
«Заходняя Курна — 2» з’яўляецца адным з найбуйнейшых нафтавых радовішчаў у свеце, забяспечваючы прыкладна 0,5% сусветных паставак нафты і 9% здабычы ў Іраку.
«Лукойл» распрацоўвае радовішча з 2009 года, а камерцыйная здабыча там пачалася ў 2014-м. У лістападзе кампанія абвясціла форс-мажор пасля ўвядзення санкцый ЗША, якія, аднак, дазваляюць прадаць замежныя актывы. «Лукойлу» трэба завяршыць продаж да 17 студзеня.
Са звестак Reuters, сярод патэнцыйных пакупнікоў — амерыканскія нафтавыя гіганты Exxon Mobil, Chevron і прыватная інвестыцыйная кампанія Carlyle.
Расія з-за зніжак Кітаю і Індыі прадае нафту са стратамі
Адна з найбагацейшых сем'яў Саудаўскай Аравіі хоча набыць замежныя актывы «Лукойла»
Сусветныя цэны на нафту ўпалі да ўзроўняў 2021 года
ЗША адклалі частку санкцый супраць расійскага «Лукойла»
Расія страчвае кантроль над Усходняй Еўропай — але размова не пра Беларусь
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку27
Каментары
тое самае пa усяму свет, Балгарыя, Фінляндыя, Сербія, etc. сёння Трамп ухваліў санкцыйны законапраект, які прапануе 500% тарыфы для краін, што набываюць расійскую нафту, уключаючы Індыю, Кітай і Бразілію. Маскоўскім драпежнікам прыадзецца шмат цярпець ў 2026