Пад Бабруйскам з-за снегу абрынуўся каркас цяпліцы ляснога гадавальніка
З-за снегавой нагрузкі ў Бабруйскім раёне абрынуўся каркас цяпліцы ляснога гадавальніка, паведамляе Магілёўскае абласное ўпраўленне МНС.
Лясны гадавальнік размешчаны ў пасёлку Брожа і прызначаны для вырошчвання пасадачнага матэрыялу. Тут часткова абрынуўся металічны каркас. На момант абрушэння ў цяпліцы не было ні работнікаў, ні наведвальнікаў. Пасадачны матэрыял не вырошчваўся.
«Матэрыяльная шкода ўстанаўліваецца. Меркаваная прычына абрушэння — уздзеянне снегавой нагрузкі і ветру на каркас цяпліцы», — адзначылі ў абласным упраўленні.
Каментары