У ноч на 27 снежня знік 28‑гадовы жыхар сталіцы. Мужчына адпачываў у начным клубе Modul Art Platform, пасля пятай раніцы выйшаў на вуліцу і знік. З таго часу прайшло больш за два тыдні, вядуцца пошукі, аднак пра месцазнаходжанне хлопца да гэтага часу нічога не вядома.
Як расказала Onliner.by Юлія, маці Паўла, у клубе яе сын адпачываў разам з былым калегам, аднак у нейкі момант таварыш пайшоў, а Павел застаўся. Каля 5:30 раніцы ён выйшаў з клуба, пасля чаго знік.
Жанчына дадала, што тэлефон хлопца ў апошні раз быў у зоне доступу 27 снежня ў раёне вуліцы Брэсцкай у Курасоўшчыне. Аднак кіраўнік пошукава-выратавальнага атрада «Сірыус» Павел Яхімовіч паведаміў, што гэтая інфармацыя не пацвердзілася.
— Дзякуючы камерам відэаназірання, усталяваным на суседніх установах (за прадастаўленыя запісы — асобная падзяка), удалося высветліць, што Павел з 5:30 да 5:40 раніцы выйшаў з клуба і накіраваўся ў бок інтэрнатаў БДУ, пасля чаго падышоў да стаянкі.
Каля 6:00 ён развярннуўся і пайшоў назад у бок клуба. На гэтым яго сляды губляюцца, — кажа Павел Яхімовіч.
Месца, дзе знік Павел Калашнікаў, — набярэжная ракі Свіслач побач са старымі заводскімі карпусамі.
Апошнія маштабныя пошукі праводзіліся 8 студзеня. Зараз ім перашкаджаюць неспрыяльныя ўмовы надвор’я. Як толькі надвор’е зменіцца, пошукі адновяць.
— Якая асноўная версія знікнення Паўла? — удакладнілі ў суразмоўцы.
— Адна з асноўных версій — няшчасны выпадак. Аднак ёсць і іншыя, якія таксама не варта адкідваць.
Прыкметы Паўла: рост — каля 176 см, валасы русыя. Быў апрануты ў чорную куртку з капюшонам, кашулю ў клетку, чорныя спартыўныя штаны і белыя красоўкі. Асаблівыя прыкметы: на кісцях рук маюцца белыя плямы вітыліга. Калі вам што-небудзь вядома пра месцазнаходжанне Паўла, просьба паведаміць па тэлефоне 102 або па нумары (25) 633-28-03.
Разведка ЗША: Беларусь стала перадавым вайсковым плацдармам Расіі24
Каментары