Памяшканне, дзе жывуць тысячы матылькоў, выставілі на продаж у Мінску
У сталіцы выставілі на продаж незвычайнае памяшканне з эксклюзіўным гатовым бізнэсам — выставай жывых экзатычных матылькоў з усяго свету.
Выстава, дзе круглы год можна ўбачыць жывых трапічных матылькоў, размешчана ў гандлёвым цэнтры «Праменад» на вуліцы Кірыла Тураўскага, 16, піша Realt.by.
Гэта побач з ЖК «Маяк Мінска», Нацыянальнай бібліятэкай, станцыяй метро «Усход» і шматфункцыянальным комплексам «Дана Мол».
Гандлёвае памяшканне знаходзіцца на нулявым паверсе будынка і займае 46 квадратных метраў плошчы. Тут ёсць усе выгоды (ацяпленне, электразабеспячэнне і г. д.), мэбля, камп’ютарная сетка, сігналізацыя і відэаназіранне.
У аб’яве адзначаецца, што ў памяшканні арганізавана круглагоднае правядзенне выстаў жывых экзатычных матылькоў незвычайных афарбовак і памераў з усіх куткоў свету. Наведвальнікі могуць назіраць найбольш цікавыя моманты жыццёвага цыкла матылькоў: нараджэнне з кукалкі, кармленне, а таксама рабіць незабыўныя фота і відэа. Дарэчы, штотыднёва відавы склад выставы мяняецца на 25−40%.
Цікава, што на выставе можна не толькі паглядзець, але і набыць матылькоў. Напрыклад, разам з наборам «Ферма матылькоў» можна назіраць у сябе дома, як кукалка ператвараецца ў матылька. Таксама ў продажы ёсць панэлі, карціны, сувеніры, падарункі з матылькоў, павукоў, скарпіёнаў і жукоў.
Падкрэсліваецца, што ў ГЦ «Праменад» — добрая праходнасць, што гарантуе высокую даходнасць. На выставе рэгулярна праходзяць экскурсіі. Ёсць пастаянныя кліенты і партнёры, арганізавана папярэдняе браніраванне для груп турыстаў і школьнікаў.
А каштуе памяшканне з тысячай матылькоў 190 тысяч даляраў.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары