Pamiaškańnie, dzie žyvuć tysiačy matylkoŭ, vystavili na prodaž u Minsku
U stalicy vystavili na prodaž niezvyčajnaje pamiaškańnie z ekskluziŭnym hatovym biznesam — vystavaj žyvych ekzatyčnych matylkoŭ z usiaho śvietu.
Vystava, dzie kruhły hod možna ŭbačyć žyvych trapičnych matylkoŭ, raźmieščana ŭ handlovym centry «Pramienad» na vulicy Kiryła Turaŭskaha, 16, piša Realt.by.
Heta pobač z ŽK «Majak Minska», Nacyjanalnaj biblijatekaj, stancyjaj mietro «Uschod» i šmatfunkcyjanalnym kompleksam «Dana Moł».
Handlovaje pamiaškańnie znachodzicca na nulavym paviersie budynka i zajmaje 46 kvadratnych mietraŭ płoščy. Tut jość usie vyhody (aciapleńnie, elektrazabieśpiačeńnie i h. d.), mebla, kampjutarnaja sietka, sihnalizacyja i videanazirańnie.
U abjavie adznačajecca, što ŭ pamiaškańni arhanizavana kruhłahodnaje praviadzieńnie vystaŭ žyvych ekzatyčnych matylkoŭ niezvyčajnych afarbovak i pamieraŭ z usich kutkoŭ śvietu. Naviedvalniki mohuć nazirać najbolš cikavyja momanty žyćciovaha cykła matylkoŭ: naradžeńnie z kukałki, karmleńnie, a taksama rabić niezabyŭnyja fota i videa. Darečy, štotydniova vidavy skład vystavy mianiajecca na 25−40%.
Cikava, što na vystavie možna nie tolki pahladzieć, ale i nabyć matylkoŭ. Naprykład, razam z naboram «Fierma matylkoŭ» možna nazirać u siabie doma, jak kukałka pieratvarajecca ŭ matylka. Taksama ŭ prodažy jość paneli, karciny, suvieniry, padarunki z matylkoŭ, pavukoŭ, skarpijonaŭ i žukoŭ.
Padkreślivajecca, što ŭ HC «Pramienad» — dobraja prachodnaść, što harantuje vysokuju dachodnaść. Na vystavie rehularna prachodziać ekskursii. Jość pastajannyja klijenty i partniory, arhanizavana papiaredniaje braniravańnie dla hrup turystaŭ i školnikaŭ.
A kaštuje pamiaškańnie z tysiačaj matylkoŭ 190 tysiač dalaraŭ.
Ciapier čytajuć
U Drazdach vystavili na prodaž katedž z rekordnaj canoj — $7,5 miljona ŠMAT FOTA1
Kamientary