Трохбаковыя перамовы паміж ЗША, Расіяй і Украінай у Абу-Дабі былі «прадуктыўнымі», на іх быў дасягнуты прагрэс, піша Axios са спасылкай на неназваных амерыканскіх чыноўнікаў.
Паводле звестак выдання Axios, Расія і Украіна знаходзяцца на парозе прамых перамоў паміж прэзідэнтамі. Амерыканскія чыноўнікі, якія выступаюць пасярэднікамі, заяўляюць, што бакі «вельмі блізкія» да арганізацыі сустрэчы Уладзіміра Пуціна і Уладзіміра Зяленскага пасля паспяховага раўнда кансультацый у Аб'яднаных Арабскіх Эміратах.
Трохбаковыя перамовы ў Абу-Дабі з удзелам дэлегацыі ЗША праходзілі ў закрытым фармаце, дзе каманды Джарэда Кушнера і Сціва Уіткафа дапамагалі каардынаваць працу расійскай і ўкраінскай груп.
Паведамляецца, што абмяркоўваліся ўсе ключавыя пытанні: ад тэрытарыяльных прэтэнзій у Данбасе да лёсу Запарожскай АЭС і канкрэтных крокаў дээскалацыі, каб пацвердзіць поўнае спыненне вайны. Паводле слоў амерыканскага боку, удзельнікі ставіліся адзін да аднаго з павагай і актыўна шукалі рашэнні.
У канцы другога дня перамоў дэлегацыі Расіі і Украіны разам селі за абед, дзе, як адзначаюць відавочцы, атмасфера была амаль прыязнай. Цяпер бакі рыхтуюцца да наступнага раўнда ў Абу-Дабі.
Цяпер чытаюць
«На такую х**ню павялася». Расіянка прыехала з Сібіры ў Беларусь і цяпер з мацюкамі расказвае, як тут складана жыць29
Каментары