У Нью-Ёрку непагадзь забрала жыцці трох чалавек. У Тэхасе і Луізіяне людзі засталіся без святла. Надзвычайнае становішча абвешчана ў 20 штатах. Тым часам, амерыканцы змятаюць літаральна ўсе прадукты з паліц крам.
Злучаныя Штаты апынуліся ў палоне гістарычнага зімовага шторму, які атрымаў неафіцыйную назву «Ферн». Стыхія ахапіла велізарную тэрыторыю і можа закрануць больш за 230 мільёнаў чалавек. Ужо вядома пра смяротныя выпадкі: тры чалавекі загінулі ад холаду на вуліцах Нью-Ёрка. Надзвычайнае становішча абвешчана ў 20 штатах.
Небяспека шторму заключаецца не толькі ў анамальных снегападах, але і ў разбуральным абледзяненні. У паўднёвых штатах, якія не прыстасаваныя да такіх маразоў, абліваха і моцны вецер валяць дрэвы і рвуць лініі электраперадач.
На гэты момант каля 135 тысяч спажыўцоў засталіся без электрычнасці, найбольш складаная сітуацыя назіраецца ў Тэхасе і Луізіяне. Тэмпература паветра ў асобных рэгіёнах апусцілася да адзнак, якія з улікам ветру адчуваюцца як -40 градусаў.
Транспартная сістэма краіны фактычна паралізаваная. За выходныя было скасавана больш за 13 тысяч авіярэйсаў, што стала самым маштабным збоем у авіязлучэнні з пачатку пандэміі COVID-19.
На трасах па ўсёй краіне фіксуюцца сотні аварый, рух па многіх магістралях цалкам спынены.
Метэаролагі папярэджваюць, што ў некаторых раёнах выпадзе да 60 сантыметраў снегу, а экстрэмальныя маразы пратрымаюцца яшчэ некалькі дзён, што толькі ўскладніць ліквідацыю наступстваў стыхіі.
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары
Butarbrod pliasnuū na padlohu nie maslam dolu, nie jak zaūždy. To bok, nia ūsio tak sumna, časam i mnie fartunic`... I niachaj, i kab časciej i ū bujnych pamierach !... Paslia hetaha skazu tre bylo b čaračku kulnuc`, dy niama. I heta taksama dobra...