Белы дом плануе 19 лютага правесці першую сустрэчу кіраўнікоў так званай Рады міру па сітуацыі ў Газе. Пра гэта паведамілі амерыканскі чыноўнік і дыпламаты з чатырох краін — удзельніц рады, піша Axios.
Сустрэча, паводле сведчання крыніц, адначасова стане і першым афіцыйным пасяджэннем новай структуры, і міжнароднай донарскай канферэнцыяй, прысвечанай збору сродкаў на аднаўленне сектара Газа.
У Вашынгтоне разлічваюць, што гэты саміт дапаможа прасунуць рэалізацыю другога этапу пагаднення аб спыненні агню. Пры гэтым падрыхтоўка сустрэчы пакуль знаходзіцца на ранняй стадыі, і планы могуць быць змененыя. Афіцыйных каментарыяў ад Белага дома на гэты конт пакуль няма.
Рада міру быў створана каля месяца таму, і да яе адмовіліся далучацца ўсе буйныя еўрапейскія краіны. Ім не падабаюцца занадта шырокія паўнамоцтвы рады, а таксама права Дональда Трампа аднаасобна накладаць вета на яе рашэнні. Лічыцца, што такім чынам ЗША спрабуюць стварыць альтэрнатыву Радзе Бяспекі ААН.
Беларусь афіцыйна далучылася да Рады міру 20 студзеня. У гэты дзень Аляксандр Лукашэнка падпісаў дакумент аб уступленні краіны ў раду і абавязацельства выконваць палажэнні яго статута.
Усяго на сённяшні дзень у склад Рады міру ўваходзяць 27 дзяржаў. Сярод іх — Ізраіль, Венгрыя, Інданезія, Саудаўская Аравія, Казахстан і іншыя краіны.
Трамп адклікаў запрашэнне Канады ў Раду міру
Трамп падпісаў статут Рады міру
У ААН адказалі, ці ўсхваляваныя там з’яўленнем Рады міру Трампа як канкурэнта арганізацыі
Лукашэнка расказаў, чаму не будзе плаціць Трампу мільярд за членства ў Радзе міру
Трамп збіраецца распаўсюдзіць працу Рады міру на ўсю планету
Трамп запрасіў у Раду па Газе 50 краін, у тым ліку Расію, Украіну, Кітай, Польшчу і Беларусь
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары