Нягледзячы на складанае надвор’е, Нацыянальны аэрапорт Мінск працягвае працу ў звычайным рэжыме. Як паведамілі ў прэс-службе аэрапорта, напярэдадні персанал і тэхніка былі пераведзеныя ў рэжым павышанай гатоўнасці, каб забяспечыць бесперабойнае абслугоўванне рэйсаў.
У аўторак Беларусь апынулася ў зоне дзеяння цыклона «Леоні», які прынёс мокры снег і ледзяны дождж. Непагадзь, паводле прагнозаў, захаваецца да серады, 28 студзеня. У раёне аэрапорта фіксуецца ледзяны дождж, аднак гэта не паўплывала на рытм яго работы.
Для забеспячэння палётаў праводзіцца пастаянная ачыстка ўзлётна-пасадачнай паласы, рулёжных дарожак і перона ад галалёду з адначасовым выкарыстаннем хімічных рэагентаў. У работах задзейнічана больш за 20 адзінак спецыяльнай тэхнікі, якія за мінулыя суткі выкарысталі каля 50 тон вадкіх і грануляваных сродкаў.
Таксама самалёты апрацоўваюцца супрацьабледзяняльнай вадкасцю. У аэрапорце адзначылі, што маюць дастатковыя рэсурсы для бяспечнага правядзення ўзлётна-пасадачных аперацый нават у складаных метэаўмовах і строга выконваюць стандарты бяспекі і якасці.
Разам з тым пасажырам і тым, хто іх сустракае, раяць загадзя планаваць паездку ў аэрапорт з улікам надвор’я і сітуацыі на дарогах.
Мінск сёння вечарам пагрузіўся ў цемру. Пасля загаду Лукашэнкі51
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары