Зіма працягвае ўплываць на працу аэрапортаў: праз надвор’е ў «Белавія» змяніўся расклад рэгулярных і чартарных рэйсаў.
Сёння раніцай аэрапорт Шарамецьева (Масква) быў часова зачынены для прыёму паветраных суднаў, таксама на гэты момант прыпынены прыём і адпраўка самалётаў у аэрапорце Гомеля. Гэта, у сваю чаргу, прывяло як да адмены, так і да пераносу шэрагу рэйсаў.
Авіякампанія карэктуе вылеты/прылёты паветраных суднаў, імкнучыся мінімізаваць дыскамфорт для пасажыраў.
Напрыклад, пасажырам адмененых рэйсаў B2 987 і B2 992 Мінск-Шарамецьева-Мінск прапанаваны білеты на пазнейшы вылет ці вылет у аэрапорт Унукава.
Палёты ў Маскву, запланаваныя на сёння:
- З Мінска ў Шарамецьева: 13.20, 19.55.
- З Шарамецьева ў Мінск: 15.40, 22.15.
- З Мінска ў Дамадзедава: 17.35. Назад — 12.50, 19.55.
- З Мінска ва Унукава: 14.50. Назад — 17.15.
За актуальнай інфармацыяй просьба сачыць на сайце belavia.by і ў каналах камунікацыі аэрапортаў.
Так, калі вы хочаце вярнуць білеты на адмененыя рэйсы ў/з Шарамецьева, неабходна звяртацца па месцы аплаты.
Пасажырам, якія планавалі сёння палёты ў/з гомельскага аэрапорта, прапанаваны іншыя варыянты: перанос рэйса на іншую дату, вяртанне кошту білета або вылет праз Мінск (будзе арганізаваны аўтобусны трансфер «аэрапорт Гомель — аэрапорт Мінск»).
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец31
Каментары