У Беларусь прыйшоў новы цыклон — «Леоні». Ён прынёс ледзяны дождж
Ледзяны дождж і рэзкія перапады тэмператур прынёс у Беларусь цыклон «Леоні». Паводле прагнозаў сіноптыкаў, найбольш непагадзь закране паўднёва-заходнія і цэнтральныя рэгіёны краіны. У сувязі з небяспечнымі ўмовамі Белгідрамет абвясціў аранжавы ўзровень пагрозы, паведамляе тэлеканал СТБ.
Тэмпература вагаецца ад -7 да +2 градусаў, што спрыяе ўтварэнню галалёду. Дзяржаўтаінспекцыя заклікае кіроўцаў быць максімальна ўважлівымі, выконваць хуткасны рэжым і ўлічваць складаную дарожную абстаноўку.
Паводле слоў прадстаўнікоў ДАІ, ужо да вечара на дарогах з’явіцца галалёд, а месцамі — галалёдзіца. На поўначы краіны рух ускладніць снегавы накат.
Кіроўцам раяць пазбягаць рэзкіх манеўраў і тармажэнняў, трымаць бяспечную дыстанцыю і бакавы інтэрвал, рухацца з агульнай хуткасцю патоку і ўключаць блізкае святло фараў. Пешаходам варта карыстацца святлоадбівальнымі элементамі і пераходзіць дарогу толькі ў дазволеных месцах, пераканаўшыся ў бяспецы.
Наступствы непагадзі ўжо адчулі жыхары Брэста. Пасля адлігі з плюсавай тэмпературай пайшоў дождж, і ўсяго за гадзіну тратуары пакрыліся лёдам. Камунальныя службы аператыўна пачалі апрацоўку дарог пясчана-салянай сумессю і прыбіранне снегу ўздоўж вуліц. Да работ прыцягнулі больш за 70 адзінак тэхнікі. У горадзе ўстаноўлена звыш 1200 скрынак з пяском для апрацоўкі тратуараў.
Ратавальнікі нагадваюць, што галалёд нясе шэраг рызык: магчымыя пашкоджанні або абрывы ліній сувязі і электраперадач, ускладненне руху транспарту, рост колькасці ДТЗ і траўматызму сярод насельніцтва. У такіх умовах важна захоўваць асаблівую асцярожнасць.
Цяпер чытаюць
Джэфры Эпштэйн некалькі разоў атрымліваў візу ў Беларусь. І дакладна наведваў нашую краіну3
Каментары
Галалёд - гэта пласт шчыльнага лёду, які нарастае на ЛЮБЫХ ПАВЕРХНЯХ (землі, дрэвах, правадах) у выніку ападкаў.
Галалёдзіца — гэта лёд, які ўтварыўся толькі НА ПАВЕРХНІ ЗЯМЛІ (дарогах, тратуарах). То-бок слізкая дарога.
Галалёд і галалёдзіца — падобныя словы, але гэта розныя з’явы.
❄️ Галалёд
Гэта суцэльны слой лёду, які ўтвараецца, калі:
ідзе дождж або імжа пры марозе,
кроплі адразу замярзаюць на паверхнях.
📌 Дзе бывае: дрэвы, драты, дамы, дарогі.
📌 Вынік: усё пакрыта гладкім, шкляным лёдам — можа ламаць галіны і драты.
❄️ Галалёдзіца
Гэта слізкасць на дарогах і тратуарах, якая ўзнікае, калі:
падтаяў снег або вада,
а потым рэзка падмарозіла.
📌 Дзе бывае: толькі на зямлі (дарогі, ходнікі).
📌 Вынік: вельмі слізка, але без суцэльнага ледзянога «панцыра» на ўсім вакол.