«3‑4 лактацыі прыплоду, малака па 7000 літраў, памножыць на 3». Генерал Караеў патлумачыў сялянам, як вырошчваць цялят
Былы міністр МУС, генерал міліцыі, а цяпер кіраўнік Гродзенскай вобласці Юрый Караеў на сустрэчы з калектывамі сельскай гаспадаркі Іўеўскага раёна расказаў, як трэба даглядаць цялят, а таксама на прыкладзе цяжарнай жанчыны патлумачыў, калі цёлка не дасць здаровага патомства.
Караеў і памочнік Лукашэнкі Канстанцін Бурак правялі сустрэчу з калектывамі трох сельскагаспадарчых прадпрыемстваў Іўеўскага раёна, піша «Пул 4».
«Прыязджаем на ферму. Бачым цёлак. Пытаемся: колькі ім? Кажуць — 18 месяцаў. Адкрываем дакументы — ім 24 месяцы. І ўвесь гэты час іх утрымлівалі як у блакадным Ленінградзе.
Як такая цёлка зможа стаць дойнай каровай? Ніяк. Жанчына, якая не набірае вагу, не можа вынасіць дзіця. Так і цёлка не зможа даць здаровага патомства і малака», — патлумачыў Караеў.
Ён таксама расказаў, што «страта цяляці — гэта ўпушчаная выгада ў выглядзе таго, што яно магло даць 3‑4 лактацыі прыплоду, малака па 7000 літраў, памножыць на 3», перадае яго словы прэс-служба аблвыканкама.
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары
Карову трэба радзей карміць і часцей даіць.
Бывшего министра как дурачка разводят, а он лекции читает!)
Зато все пригороды Гродно в маёнтках агроэлиты за 250к долларей и выше!...