На Беларусь насоўваецца скандынаўскі антыцыклон «Даніэль», які прынясе моцныя маразы і арктычнае паветра, паведамляе Белгідрамет. Ён замяніць цыклон «Леоні», які даваў кароткую адлігу і невялікую порцыю цяпла з Паўднёвай Еўропы.
Здымак ілюстрацыйны. Фота з сацсетак
Антыцыклон «Даніэль» выцісне воблачныя палі цыклону за межы краіны і адкрые шлях арктычнаму паветру. У выніку ападкі будуць паступова спыняцца, а маразы ўзмацняцца.
Па прагнозах на асобныя дні:
- 30 студзеня (пятніца): ноччу ў некаторых паўднёвых раёнах магчымы невялікі снег, па ўсёй краіне захоўваецца галалёд; ноччу -6° на поўдні да -22° на поўначы, удзень -9…-15°, на поўдні -6…-8°.
- 31 студзеня — 1 лютага: антыцыклон умацоўваецца, будзе пераважна без ападкаў, на поўначы магчымыя туман і шэрань; ноччу -15…-26° (1 лютага месцамі да -31°), удзень -10…-20°.
- 1—4 лютага: анамальныя маразы працягнуцца, ноччу -16…-29°, месцамі да -32°; магчымыя галалёд і туман.
Прагнозы сэрвісаў «Яндэкс» і Gismeteo.by таксама паказваюць, што апошнія дні студзеня і пачатак лютага будуць вельмі марознымі. Аранжавы ўзровень небяспекі захоўваецца з-за складаных гідраметэаралагічных умоў.
Нас можа чакаць самае моцнае пахаладанне сезона, тэмпература можа апусціцца ніжэй за 30°С
Падвоз дзяцей у школы адмянілі ў сямі раёнах Гомельскай вобласці
«Проста люстэрка». Беларусы паказалі, у што ператварыў дарогі цыклон з ледзяным дажджом
У Беларусь прыйшоў новы цыклон — «Леоні». Ён прынёс ледзяны дождж
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары
глабальнае пацяпленне - гэта калі Гальфстрым, замест таго каб павярнуць у бок Еўропы, усё больш кіруецца ў Арктыку..
І пацяпленне прывядзе да таго, што еўрапейскі клімат будзе адпавядаць клімату Канады і Сібіры на тых жа шыротах (
---
Гэта адзін з "сюжэтаў" глабальнага пацяплення