Выпускаў падкаста «Нешта будзе», які рабілі Івулін з Мелказёравым, больш не будзе
Аляксандр Івулін закрыў падкаст «Нешта будзе», які ён рабіў разам з Мікітам Мелказёравым: «Рабіць гэты праект без Мікіты немагчыма».

«Даражэнькія, дзякуй за вашу падтрымку! Выпускаў падкаста «Нешта будзе» больш не будзе. Вось такія сумныя навіны.
Рабіць гэты праект без Мікіты немагчыма, але вялікі вам дзякуй за тое, што ён увогуле пабачыў свет. Ён існаваў выключна дзякуючы вашай падтрымцы. І гэта была сапраўды неверагодная гісторыя.
Паклон вам за яе. Вялікі-вялікі шчыры дзякуй за гэты падкаст, які мы рабілі разам.
Абдымаю! Нешта будзе і загляне сонца!» — гаворыцца ў абвестцы для падпісчыкаў падкаста.
Аляксандр Івулін і Мікіта Мелказёраў запусціліі сумесны падкаст «Нешта будзе» ў 2024 годзе. Праект існаваў за данаты.
Мікіта Мелказёраў раптоўна памёр 21 снежня на 38‑м годзе жыцця.
Каментары