Расійскія ваенкары скардзяцца на закрыццё сувязі праз Starlink. Паўздзейнічалі ўкраінскія контрмеры?
Расійскія ваенкары паведамляюць, што на фронце адключылася спадарожнікавая сувязь праз сістэму Starlink. Раней расіяне вынайшлі схему, як гэтай сувяззю можна карыстацца, абыходзячы санкцыі, але цяпер яна можа перастаць дзейнічаць.
Ваенкар «Романов Лайт» адным з першых паведаміў:
«Па ўсім фронце «леглі» Старлінкі».
Пазней ён дапісаў, што такія праблемы нібыта не толькі ў расіян, але ва ўкраінцаў.
Іншы расійскі канал, «Разработчик БПЛА», таксама піша:
«Старлінкі такі пасыпаліся. Але не ўсе. Падрабязнасцяў не буду гаварыць, каб не дапамагаць праціўніку».
Пры гэтым ён спадзяецца, невядома на якой падставе, што пра «заяўленыя раней белыя спісы гаворкі пакуль не ідзе».
Што гэта за «белыя спісы»? Рэч у тым, што сувязь праз сістэму Starlink на расійска-ўкраінскім фронце легальна мае толькі адзін бок — украінскі. Украіна набывае гэтую спадарожнікавую сувязь афіцыйна і плаціць за яе пры дапамозе еўрапейскіх партнёраў. Расія гэтага афіцыйна рабіць не можа — дзейнічаюць санкцыі.
У той жа час расіяне знайшлі спосабы, каб абысці абмежаванні, і выкарыстоўваюць гэту сувязь для кіравання беспілотнікамі, якія цяжка выяўляць і збіваць.
Каб супрацьстаяць гэтаму, ва Украіне прынялі рашэнне, што працаваць на тэрыторыі Украіны будуць толькі аўтарызаваныя тэрміналы Starlink, якія ўключаныя ў «белы спіс». Каб абсталяванне трапіла ў гэты спіс, трэба зарэгістраваць яго даныя. Для вайскоўцаў яны рэгіструюцца праз дадатак «Армія+», а бізнэсу і дзяржаўным службоўцам з 3 лютага неабходна падаваць заяўку праз партал «Дія».Толькі пасля пацверджання верыфікацыі тэрміналам можна карыстацца без абмежаванняў.
Міністэрства абароны падкрэслівае, што аўтарызацыя Starlink — ключавы элемент абароны сувязі ва Украіне і крок па нейтралізацыі пагроз з боку Расіі. Мяркуецца, што гэта дазволіць:
- пазбавіць ворага тэхналагічнай перавагі;
- павысіць бяспеку цывільных і вайсковых аб’ектаў, у тым ліку энергетычнай інфраструктуры;
- забяспечыць стабільную і бяспечную сувязь для украінцаў.
Можна меркаваць, што цяперашнія праблемы з сувяззю праз Starlink на расійскім баку з'яўляюцца эфектам менавіта гэтых прынятых мер.
Расія пачала выкарыстоўваць ва Украіне шахеды, падключаныя да Starlink. Што вядома і чаму гэта небяспечна
Запуск расійскага аналага Starlink перанеслі з-за правалу вытворчасці спадарожнікаў
Starlink перастаў працаваць па ўсёй лініі фронту ва Украіне
Ілан Маск назваў Радаслава Сікорскага «слінявым ідыётам»
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза14
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары