Грамадства11

На свабодзе Валянцін Стэфановіч

Паплечнік Алеся Бяляцкага знаходзіўся за кратамі з ліпеня 2021 года. Яму далі тэрмін у дзевяць гадоў калоніі.

Валянцін Стэфановіч пасля вызвалення

Валянцін Стэфановіч увайшоў у лік тых палітвязняў, якія былі вызваленыя 19 сакавіка, паведаміла «Вясна».

Сябра Рады «Вясны», віцэ-прэзідэнт Міжнароднай федэрацыі за правы чалавека (FIDH) Валянцін Стэфановіч быў затрыманы 14 ліпеня 2021 года. У той дзень сілавікі прыйшлі з ператрусамі не толькі да яго, але і ў офіс «Вясны», а таксама да дзясяткаў іншых актывістаў грамадзянскай супольнасці па ўсёй краіне.

Суд па «справе Вясны» пачаўся толькі ў пачатку 2023 года. Разам са Стэфановічам судзілі старшыню арганізацыі Алеся Бяляцкага і каардынатара кампаніі «Праваабаронцы за свабодныя выбары» Уладзіміра Лабковіча. Яшчэ аднаго фігуранта, Змітра Салаўёва, судзілі завочна, бо ён знаходзіўся за мяжой.

Супраць праваабаронцы завялі справу паводле ч. 2 арт. 243 Крымінальнага кодэкса (ухіленне ад выплаты падаткаў у асабліва буйным памеры). Паводле версіі абвінавачвання, праваабаронцы ўвозілі ў Беларусь грошы для дапамогі пацярпелым ад рэпрэсій і аплаты адвакатаў.

Праз год утрымання пад вартай справа па гэтым артыкуле была спынена, але было прад'яўлена новае абвінавачанне — паводле ч. 4 арт. 228 (кантрабанда) і ч. 2 арт. 342 КК (фінансаванне групавых дзеянняў, якія груба парушаюць грамадскі парадак).

3 сакавіка 2023‑га Стэфановічу вынеслі прысуд — 9 гадоў зняволення. Сваёй віны мужчына не прызнаў. Пакаранне адбываў у магілёўскай калоніі № 15. У снежні 2023 года Валянцін быў пераведзены на паўгода ў памяшканне камернага тыпу (ПКТ) «за парушэнні». На волі яго чакалі жонка і трое дзяцей.

Бяляцкага і Лабковіча вызвалілі пры дапамозе амерыканскіх дыпламатаў 13 снежня.

Валянцін Стэфановіч з сям'ёй. Фота з асабістага архіву / spring96.org

Валянцін Стэфановіч нарадзіўся ў 1972 годзе ў Мінску. Скончыў сярэднюю школу № 11. Пасля службы ў войску з чырвоным дыпломам скончыў юрыдычны факультэт Міжнароднага інстытута працоўных і сацыяльных адносін, працаваў юрыстам на Мінскім падшыпнікавым заводзе.

Яшчэ студэнтам ён удзельнічаў у акцыях Беларускага народнага фронту, а ў 1994 годзе быў назіральнікам ад БНФ на першых прэзідэнцкіх выбарах у Беларусі.

У 1996 годзе Стэфановіч стаў сузаснавальнікам «Маладога Фронту», у 1997 годзе быў абраны сустаршынёй арганізацыі, але неўзабаве пакінуў яе. У сакавіку 1997 года ўпершыню быў затрыманы на акцыі пратэсту і адбыў 5 сутак адміністрацыйнага арышту.

У верасні 1998‑га мужчына далучыўся да праваабарончай арганізацыі «Вясна-96». На той момант яна была зарэгістравана як гарадское грамадскае аб'яднанне. Праз два гады ён стаў намеснікам старшыні.

Валянцін Стэфановіч (справа) разам з Алесем Бяляцкім. 1998 год. Фота: spring96.org

Восенню 2011 года падатковая інспекцыя Партызанскага раёна аштрафавала Валянціна Стэфановіча за няпоўную выплату падаткаў. Падставай сталі звесткі пра замежныя банкаўскія рахункі кіраўнікоў «Вясны», якія Літва перадала афіцыйнаму Мінску. Гэтая ж інфармацыя стала падставай для абвінавачвання старшыні «Вясны» Алеся Бяляцкага, якога тады асудзілі на 4,5 года калоніі з канфіскацыяй маёмасці.

14 ліпеня 2021‑га паводле абвінавачвання ва «ўхіленні ад выплаты падаткаў» Стэфановіч апынуўся за кратамі. Падчас знаходжання пад следствам у кастрычніку 2022 года мужчына быў пераабраны віцэ-прэзідэнтам Міжнароднай федэрацыі за правы чалавека (FIDH).

Каментары1

  • шаноўная рэдакцыя
    19.03.2026
    дадайце, калі ласка, і апошнія фота Валіка ў матэрыял. каб было бачна, у якіх умовах нелюдзі яго трымалі.

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

Больш танныя балістычныя ракеты радыкальна мяняюць правілы вайны1

Пажар тушаць гукам. Як гэта магчыма?

Сабаленка пракаментавала, што яе нецэнзурныя словы адрасаваліся не Світолінай16

Сустрэча Пуціна, Сі Дзіньпіна і Трампа пройдзе 19 лістапада1

Стала вядома, дзе будзе знаходзіцца Офіс Ціханоўскай у Варшаве32

Латушка заклікаў адхіліць Арыну Сабаленка ад усіх турніраў пад эгідай WTA39

Дырэктар сеткі салонаў «На сувязі» застрэліў на паляванні мядзведзя21

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць