40‑гадовы беларускі спецыяліст падаў у адстаўку з пасады галоўнага трэнера «Арыса» (Лімасол) з вышэйшага футболнага дывізіёна Кіпра.
Былая каманда Радзькова займае 5‑е месца ў турнірнай табліцы чэмпіянату Кіпра.
Пад яго кіраўніцтвам клуб правёў 27 матчаў і здабыў 14 перамог, аднак каманда прайграла ў трох апошніх матчах, а таксама вылецела з Кубка Кіпра.
Арцём Радзькоў, які быў прызнаны найлепшым трэнерам Беларусі ў 2022 годзе, узначаліў «Арыс» у маі мінулага года, змяніўшы іншага беларускага спецыяліста Аляксея Шпілеўскага, што перабраўся ў «Пары НН» (Расія).
Шпілеўскі трэніраваў «Арыс», які мае беларускі след, з 2022 года і прывёў каманду ў 2023 годзе ўпершыню да чэмпіёнства ў першынстве Кіпра.
Агулам беларускія спецыялісты працуюць галоўнымі трэнерамі ў вышэйшых дывізіёнах Казахстана, Расіі, Малдовы і Славеніі.
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца
Каментары