У выдавецтве «Дыграф» выйшла новая кніга вершаў Алеся Дуброўскага-Сарочанкава з назвай «Каляндар на імгненне», піша bellit.info.
Як гаворыцца ў анатацыі, адметнасць зборніка — спалучэнне канкрэтнай «каляндарнай» вобразнасці і своеасаблівай пазачасавасці зместу, у якім на першым плане — філасофскае асэнсаванне творчасці як спосабу быцця і быцця як творчасці.
Таксама на кнігу з’явіўся разгорнуты водгук на сайце «Новыя беларускія кнігі».
Зборнік «Каляндар на імгненне» прадаецца ў краме цэнтры Менску: ГЦ «Купалаўскі» пад Кастрычніцкай плошчай, ралеты 41—42 (станцыі метро Купалаўская і Кастрычніцкая), час працы з панядзелка па пятніцу з 11 да 18.30, субота з 11 да 17, нядзеля з 11 да 16. Магчыма кур’ерская дастаўка па горадзе, кошт дастаўкі 10 рублёў.
Выдавецтва «Дыграф» заснаваў у снежні мінулага года выдавец Раман Цымбераў пасля таго, як індывідуальным прадпрымальнікам забаранілі выдаваць кнігі. «Каляндар на імгненне» быў першай кнігай, выпушчанай выдавецтвам, і выглядае апошняй. У панядзелак Раман Цымбераў раптоўна памёр ва ўзросце 44 гады.
Каментары