U vydaviectvie «Dyhraf» vyjšła novaja kniha vieršaŭ Alesia Dubroŭskaha-Saročankava z nazvaj «Kalandar na imhnieńnie», piša bellit.info.
Jak havorycca ŭ anatacyi, admietnaść zbornika — spałučeńnie kankretnaj «kalandarnaj» vobraznaści i svojeasablivaj pazačasavaści źmiestu, u jakim na pieršym płanie — fiłasofskaje asensavańnie tvorčaści jak sposabu byćcia i byćcia jak tvorčaści.
Taksama na knihu źjaviŭsia razhornuty vodhuk na sajcie «Novyja biełaruskija knihi».
Zbornik «Kalandar na imhnieńnie» pradajecca ŭ kramie centry Miensku: HC «Kupałaŭski» pad Kastryčnickaj płoščaj, ralety 41—42 (stancyi mietro Kupałaŭskaja i Kastryčnickaja), čas pracy z paniadziełka pa piatnicu z 11 da 18.30, subota z 11 da 17, niadziela z 11 da 16. Mahčyma kurjerskaja dastaŭka pa horadzie, košt dastaŭki 10 rubloŭ.
Vydaviectva «Dyhraf» zasnavaŭ u śniežni minułaha hoda vydaviec Raman Cymbieraŭ paśla taho, jak indyvidualnym pradprymalnikam zabaranili vydavać knihi. «Kalandar na imhnieńnie» byŭ pieršaj knihaj, vypuščanaj vydaviectvam, i vyhladaje apošniaj. U paniadziełak Raman Cymbieraŭ raptoŭna pamior va ŭzroście 44 hady.
Kamientary