Днямі Нацыянальны цэнтр абароны персанальных звестак Беларусі паведаміў, што людзі пачалі звяртацца ў яго з пытаннямі пра збор пашпартных звестак пры заказе тавараў на расійскім маркетпэйсе Ozon, і параіў людзям не дасылаць сканы ці копіі пашпартоў. У беларускім прадстаўніцтве маркетплэйса патлумачылі выданню Newgrodno.by, што менавіта маецца на ўвазе.
Калі пакупнік замаўляе на Ozon.by тавар у прадаўца з-за мяжы, гэта значыць па-за межамі ЕАЭС, такі заказ павінен прайсці мытнае афармленне. Для гэтага пакупніку прапануюць увесці пашпартныя звесткі ў спецыяльную форму ў асабістым кабінеце.
Пры гэтым у Ozon падкрэсліваюць, што кампанія не просіць загружаць скан або копію пашпарта.
У рэдкіх выпадках мытныя органы могуць дадаткова запатрабаваць копію пашпарта праз партнёраў дастаўкі, якія займаюцца афармленнем дакументаў пры перасячэнні мяжы.
У кампаніі таксама адзначылі, што інфармацыя, уведзеная праз форму, захоўваецца толькі на час дастаўкі тавару, у межах краін ЕАЭС і ў абароненым выглядзе — у адпаведнасці з заканадаўствам Беларусі. Пасля атрымання заказу звесткі нібыта выдаляюцца. Выключэнне магчымае толькі тады, калі сам пакупнік захоча пакінуць іх у сваім профілі для будучых замоў з-за мяжы.
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак3
Каментары