Беларусаў папярэдзілі, каб не дасылалі маркетплэйсу Ozon сканы сваіх пашпартоў
Нацыянальны цэнтр абароны персанальных даных Беларусі паведамляе, што людзі пачалі звяртацца ў яго з пытаннямі пра збор пашпартных даных пры заказе тавараў на расійскім маркетпэйсе Ozon. Ён раіць, што рабіць у такім выпадку.
Пашпарты патрабуюцца, калі заказ адбываецца з-за межаў ЕАЭС (напрыклад, з Кітая), бо гэта неабходна для мытнага дэкларавання пакупак, незалежна ад іх кошту.
Але апрацоўка гэтых даных у такіх выпадках падпарадкоўваецца заканадаўству іншых краін, а не Беларусі. Таму цэнтр раіць уважліва чытаць умовы дамоў і палітыку апрацоўкі персанальных даных.
Дзяржаўная ўстанова падкрэсліла: дакладна не варта перасылаць копіі або сканы пашпартоў.
Разам з тым, даследаванне таго, наколькі бяспечна захоўваюцца персанальныя даныя на Ozon, працягваецца, і цэнтр абяцае інфармаваць грамадзян пра вынікі.
На сайце Ozon адзначаецца, што асабістыя даныя часам апрацоўваюць юрыдычныя асобы маркетплэйсу, зарэгістраваныя ў краінах ЕАЭС. Акрамя таго, гэтыя даныя могуць перадавацца пры выкарыстанні некаторых сэрвісаў Ozon, для выканання дамоў або па патрабаванні падатковых органаў і суда.
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары