Лукашэнка пачуў страхі расіян згубіць Беларусь і тэрмінова пачаў запэўніваць у вечнай любові
Лукашэнка заявіў, што няма сілы, здольнай адарваць Беларусь ад Расіі.
Масква разгарнула новую хвалю алармісцкай рыторыкі, заяўляючы пра нібыта падрыхтоўку Захадам новых спробаў адарваць Беларусь ад Расіі. Аляксандр Лукашэнка на сустрэчы з дзяржаўным сакратаром Саюзнай дзяржавы Сяргеем Глазьевым адказаў на гэта.
«Сёння агляд атрымаў: у Расіі некаторыя кажуць, што хтосьці спрабуе адарваць Беларусь ад Расіі. Я не буду нават каментаваць. Скажу толькі адно: няма той сілы, якая сёння здольная адарваць Беларусь ад Расіі і Расію ад Беларусі. Абставіны так склаліся, што яны нас разам звязалі, напэўна, на доўгія-доўгія дзесяцігоддзі і стагоддзі. Хоць, увогуле, нас няма ў чым папракнуць. Мы заўсёды былі арыентаваныя на Расію. Там наша многае, калі не ўсё. Там нашы рэсурсы, там наш рынак, калі пра эканоміку. У нас поўнае адзінства ў гэтым плане. Ды і ў палітычным [дачыненні]», — сказаў Лукашэнка.
Каментары