У Слоніме навучэнку каледжа пазбавілі права самой распараджацца стыпендыяй
У Слоніме суд абмежаваў права непаўналетняй навучэнкі каледжа самастойна распараджацца сваімі даходамі да дасягнення 18 гадоў. З такой ініцыятывай выступіў пракурор Слонімскага раёна, які звярнуўся ў суд з просьбай пазбавіць дзяўчыну магчымасці самастойна карыстацца стыпендыяй і іншымі выплатамі, паведамляе Генеральная пракуратура.
Выязное судовае пасяджэнне прайшло ў Слонімскім дзяржаўным медыцынскім каледжы.
Дзяўчына, справу якой разглядалі, засталася без апекі бацькоў і знаходзіцца на поўным дзяржаўным забеспячэнні. Яе законным прадстаўніком прызначаны дырэктар каледжа. Штомесяц на банкаўскую картку навучэнцы налічваліся стыпендыя і іншыя сродкі на ўтрыманне.
Аднак жа, паводле матэрыялаў справы, дзяўчына вельмі хутка траціла ўсе грошы — на адзенне, ежу, курыльныя сістэмы і вадкасці да іх. Пры гэтым яна забяспечвала сабе толькі мінімальны ўзровень патрэб, недастатковы для здаровага і бяспечнага ладу жыцця.
Таксама адзначалася, што дзяўчына вучылася пасрэдна і без уважлівых прычын прапускала заняткі. На судзе яна прызнала слушнасць зробленых ёй закідаў.
У выніку суд пастанавіў пазбавіць дзяўчыну права самастойна распараджацца стыпендыяй і іншымі даходамі да свайго паўналецця.
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары