А што з Вольгай Няфёдавай, якую ў крэсле мастацкага кіраўніка Купалаўскага замяніў расіянін?
Новым мастацкім кіраўніком Купалаўскага тэатра стаў расіянін Дзмітрый Акімаў. У мінулым ён быў на аналагічнай пасадзе ў Чарэмхаўскім драматычным тэатры, Томскім тэатры юнага гледача і Матыгінскім драматычным тэатры.
А што з Вольгай Няфёдавай?
На афіцыйным сайце Купалаўскага тэатра яна дагэтуль прэзентуецца ў якасці мастацкай кіраўніцы, але ў прыёмнай «Нашай Ніве» пацвердзілі, што больш яна гэтую пазіцыю не займае.
Але застаецца ў тэатры.
Нагадаем, летам 2020 года большая частка трупы Купалаўскага звольнілася ў знак пратэсту супраць гвалту сілавікоў і фальсіфікацыі вынікаў выбараў. Вольгу Няфёдаву прызначылі мастацкай кіраўніцай тэатра ў 2021 годзе замест Мікалая Пінігіна. На сустрэчы з Лукашэнкам яна адкрыта асуджала ўсіх, хто пакінуў трупу, кажучы што ёй «сорамна за калег».
Пасля масавага звальнення беларусаў у Купалаўскі пачалі ўладкоўваць расіян, якія нават не ведалі беларускую мову. У якасці рэжысёраў таксама прыходзіцца запрашаць на працу спецыялістаў з Расіі.
Нават унутры калектыву прызнаюць: тэатр пасля 2020‑га не той.
«У нас правал па сярэднім пакаленні акцёраў. Не можам ставіць класіку, дзе ўсё напісана на гэты ўзрост — 50+. І кадравы рэжысёрскі голад. Не могуць знайсці», — распавяла ў інтэрв’ю «СБ» актрыса Тамара Міронава.
-
«Я вам скажу — зусім не тое!» На 80‑годдзі ва Уроцлаве Някляеў параўнаў пацалункі Брэжнева і Ціханоўскай
-
У Вене за 776 тысяч еўра нахілілі помнік мэру. Яго антысемітызм натхняў Гітлера
-
У Пружанскім касцёле новы арган, які прывезлі з Нідэрландаў. Папярэдні касцельны арган пусцілі на дровы для Дома культуры
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары