У Лоеве 21‑гадовую дзяўчыну будуць судзіць за стральбу па машыне суседа. Пра інцыдэнт паведамілі ў Следчым камітэце па Гомельскай вобласці.
Паводле матэрыялаў следства, увечары 6 лютага дзяўчына вярнулася дадому пасля працы і вырашыла патрэніравацца ў стральбе. Яна ўзяла пнеўматычны пісталет і з балкона сваёй кватэры не менш за пяць разоў стрэліла ў бок аўтамабіля Opel, які стаяў на паркоўцы і належаў яе суседу.
На наступную раніцу ўладальнік машыны заўважыў на лабавым шкле тры круглыя пашкоджанні. Калі ён ачысціў аўтамабіль ад снегу, то знайшоў яшчэ два падобныя пашкоджанні на даху і выклікаў міліцыю.
Увечары таго ж дня дзяўчына прыйшла да суседа з павіннай. Яна прызналася, што страляла па машыне, сказала, што не падумала пра наступствы, і кампенсавала шкоду — заплаціла 630 рублёў.
Нягледзячы на гэта, у дачыненні да яе распачалі крымінальную справу. Яе абвінавачваюць у хуліганстве — наўмысных дзеяннях, якія груба парушаюць грамадскі парадак і суправаджаюцца пашкоджаннем чужой маёмасці. Справа будзе разгледжана ў судзе.
Цяпер чытаюць
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары