Сталічныя транспартныя паркі вырашылі, калі не цалкам ліквідаваць, то максімальна мінімізаваць магчымасці атрымання электратраўмаў падчас пасажырскіх перавозак.Для гэтага будуць закупляць спецыяльнае абсталяванне, адзначае Blizko.by.
Плануецца на працягу некалькіх месяцаў набыць 24 прылады. Іх размеркуюць па васьмі аўтобусных, тралейбусных і транспартных парках.
У аб’яве таксама пазначана агульная вартасць закупкі — 84 960 рублёў. Прыкладная цана адной прылады не павінна перавышаць 3540 рублёў.
Апошні дзень падачы дакументаў на тэндар — 18 сакавіка 2026 года.
У студзені тралейбус ударыў токам дзяўчыну. Паводле слоў пацярпелай (яе завуць Дыяна), яна сядала ў тралейбус №44, узялася за поручань, адчула моцны боль і страціла прытомнасць.
Дзяўчына апрытомнела ўжо ў сярэдзіне салона. Людзі сказалі, што яна моцна крычала, і нейкі мужчына літаральна адцягнуў яе ад дзвярэй. Ужо дома Дыяна зразумела, што нага здранцвела, адчувальнасць так і не вярнулася, таму давялося выклікаць хуткую дапамогу.
Медыкі дыягнаставалі праблемы з сэрцам, апёкі, траўму галёнкаступнёвага сустава і стрэс. У выніку пацярпелую шпіталізавалі.
Таксама ў тыя ж дні ўдарыла токам 18‑гадовага Мацвея.
«Я толькі ступіў на металічны парожак, як адразу адчуў боль у назе і ўпаў у лужыну паміж бардзюрам і тралейбусам. Паколькі нага заставалася на тым парозе, мяне пачало ўсяго трэсці. Прытомнасць я не страчваў. З адчуванняў тое, што адбывалася, можна апісаць як моцныя сутаргі па ўсім целе. Было балюча.
Дзіяну адцягнулі, бо яна знаходзілася ў самім тралейбусе, а я захрас у гэтай ямцы, і мяне адцягнуць ніхто не мог. Магчыма, людзі думалі, што ў мяне прыпадак эпілепсіі. Калі кіроўца зразумеў, што здарылася, ён адключыў тралейбус», — расказваў Мацвей.
Дактары ўстанавілі: у хлопца «ўздзеянне току без электратраўмы». У той жа дзень Мацвей вярнуўся дадому.
-
Слонімская бальніца выбачылася за машыну хуткай дапамогі, што прыехала на выклік да інваліда
-
У Беларусі будуць штрафаваць за прапаганду гомасэксуальных адносін, бяздзетнасці і змены полу
-
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?12
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары