Staličnyja transpartnyja parki vyrašyli, kali nie całkam likvidavać, to maksimalna minimizavać mahčymaści atrymańnia elektratraŭmaŭ padčas pasažyrskich pieravozak.Dla hetaha buduć zakuplać śpiecyjalnaje abstalavańnie, adznačaje Blizko.by.
Płanujecca na praciahu niekalkich miesiacaŭ nabyć 24 pryłady. Ich raźmierkujuć pa vaśmi aŭtobusnych, tralejbusnych i transpartnych parkach.
U abjavie taksama paznačana ahulnaja vartaść zakupki — 84 960 rubloŭ. Prykładnaja cana adnoj pryłady nie pavinna pieravyšać 3540 rubloŭ.
Apošni dzień padačy dakumientaŭ na tendar — 18 sakavika 2026 hoda.
U studzieni tralejbus udaryŭ tokam dziaŭčynu. Pavodle słoŭ paciarpiełaj (jaje zavuć Dyjana), jana siadała ŭ tralejbus №44, uziałasia za poručań, adčuła mocny bol i straciła prytomnaść.
Dziaŭčyna aprytomnieła ŭžo ŭ siaredzinie sałona. Ludzi skazali, što jana mocna kryčała, i niejki mužčyna litaralna adciahnuŭ jaje ad dźviarej. Užo doma Dyjana zrazumieła, što naha zdranćvieła, adčuvalnaść tak i nie viarnułasia, tamu daviałosia vyklikać chutkuju dapamohu.
Miedyki dyjahnastavali prablemy z sercam, apioki, traŭmu halonkastupniovaha sustava i stres. U vyniku paciarpiełuju špitalizavali.
Taksama ŭ tyja ž dni ŭdaryła tokam 18‑hadovaha Maćvieja.
«Ja tolki stupiŭ na mietaličny parožak, jak adrazu adčuŭ bol u nazie i ŭpaŭ u łužynu pamiž bardziuram i tralejbusam. Pakolki naha zastavałasia na tym parozie, mianie pačało ŭsiaho treści. Prytomnaść ja nie stračvaŭ. Z adčuvańniaŭ toje, što adbyvałasia, možna apisać jak mocnyja sutarhi pa ŭsim ciele. Było baluča.
Dzijanu adciahnuli, bo jana znachodziłasia ŭ samim tralejbusie, a ja zachras u hetaj jamcy, i mianie adciahnuć nichto nie moh. Mahčyma, ludzi dumali, što ŭ mianie prypadak epilepsii. Kali kiroŭca zrazumieŭ, što zdaryłasia, jon adklučyŭ tralejbus», — raskazvaŭ Maćviej.
Daktary ŭstanavili: u chłopca «ŭździejańnie toku biez elektratraŭmy». U toj ža dzień Maćviej viarnuŭsia dadomu.
Ciapier čytajuć
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili 250 palitviaźniaŭ13
Kamientary