Лукашэнка і Кім Чэн Ын заключылі дамову аб дружбе і супрацоўніцтве
«Мы выступаем супраць неправамернага ціску на Беларусь з боку Захаду», — заявіў Кім Чэн Ын.
Аляксандр Лукашэнка і Кім Чэн Ын падпісалі дамову аб дружбе і супрацоўніцтве паміж Рэспублікай Беларусь і Карэйскай Народна-Дэмакратычнай Рэспублікай, паведамляе Пул першага.
«Мы выступаем супраць неправамернага ціску на Беларусь з боку Захаду і выказваем падтрымку і разуменне мерам кіраўніцтва Беларусі, накіраваным на сацыяльна-палітычную стабільнасць, эканамічнае развіццё», — падкрэсліў Кім Чэн Ын.
Лідар КНДР адзначыў, што абедзве краіны імкнуцца да пабудовы шматпалярнага свету, заснаванага на прынцыпах самастойнасці і справядлівасці, а таксама прытрымліваюцца падобнай пазіцыі па многіх пытаннях міжнароднага парадку дня.
«Думаю, што гэта служыць перадумовай для магчымасці далейшага пашырэння і развіцця двухбаковых адносін у адпаведнасці з узаемнымі інтарэсамі дзвюх краін», — сказаў ён.
«Мы выказваем салідарнасць і поўную падтрымку Беларусі, якая імкнецца праводзіць самастойную палітыку, адпаведную сваёй рэальнасці, дасягнуць міру і развіцця, працягваючы пры гэтым развіваць адносіны з традыцыйна дружалюбнымі краінамі», — падкрэсліў Кім Чэн Ын.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары