Расіянін, які перамог у «Фактар.бай», спрабуе хуценька прадаць свой прыз ад БТ — уседарожнік Belgee
Сёлета ў лютым Ібрагім Карасаў забіраў з салону ўседарожнік Belgee Х50 — а цяпер спрабуе аператыўна пазбавіцца ад яго.
Нагадаем, расіянін Ібрагім Карасаў удзельнічаў у пятым сезоне шоу БТ «Фактар.бай». Спявак з Новага Урэнгоя трапіў у каманду Дзяніса Клявера. У кампліментарных тэкстах яго называлі нават «новаўрэнгойскім Павароці». Дарэчы, паездка ў Беларусь стала для артыста першым выездам за мяжу Расіі.
Напрыканцы студзеня стала вядома, што менавіта Ібрагім перамог у фінале «Фактар.бай» — Іван Эйсмант бажыўся, што ў галасаванні прыняла ўдзел 151 тысяча чалавек.
Галоўным прызам шоу быў уседарожнік Belgee Х50. Белую машыну з велізарным чырвоным бантам спявак забіраў у аўтасалоне ў лютым.
«Які будзе прыз, я не цікавіўся да трэцяга ці чацвёртага эфіру. Сапраўды, мне нецікава было, я прыйшоў спяваць, займацца творчасцю. А калі мне сказалі, што галоўны прыз — гэта аўтамабіль, падумаў, ну, добра, добра. І я да гэтага не веру, што праект са мной здарыўся, не кажучы аб машыне!», — казаў Ібрагім.
Учора расійскі спявак прызнаўся ў інстаграме, што хоча прадаць уседарожнік: «Шаноўныя, я вельмі-вельмі доўга думаў і вырашыў усё ж развітацца з машынай, каб укласці фінансы ў напісанне песень».
Як стала вядома «Нашай Ніве», Ібрагім хоча атрымаць за свой прыз ад БТ $18500. Прыблізна столькі ж сёлета каштуе новы Belgee Х50 у базавай камплектацыі.
Не толькі ў Беларусі. Продажы кітайскіх аўто ў Еўропе растуць шалёнымі тэмпамі
Продажы Geely б'юць рэкорды, а попыт на Lada падае. Чаму так?
Хто ўзяў новую «Джылі» з салона ў крэдыт і праз год-два не шкадуе? Меркаванні падзяліліся
У Беларусі стартавалі продажы новай мадэлі Lada. Што па цэнах і колькі каштуе яе еўрапейскі аналаг?
Цяпер чытаюць
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу7
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5050
Каментары