У Жыткавічах Алена і Яўген зарэгістравалі шлюб проста ў сябе дома: абставіны вымусілі адмовіцца ад звыклай цырымоніі ў ЗАГСе, піша Onliner.by.
Для пары гэты дзень стаў асабліва важным: яны не толькі аформілі статус мужа і жонкі, але і нядаўна ўпершыню сталі бацькамі — у іх нарадзілася дачка Кацярына.
Першапачаткова Алена планавала традыцыйнае вяселле, аднак зімой атрымала складаны пералом нагі. З-за траўмы, якая патрабуе нашэння гіпсу, маладыя не паспелі распісацца да нараджэння дзіцяці. У выніку шлюб зарэгістравалі праз тры дні пасля выпіскі з раддома.
Нягледзячы на дамашні фармат, цырымонія прайшла з захаваннем усіх традыцый: з урачыстай прамовай, абменам кольцамі і віншаваннямі гасцей. Работнікі загса дапамаглі арганізаваць працэс і ўручылі маладым памятныя вокладкі для дакументаў.
Цяпер спраўляцца з бытавымі клопатамі Алене дапамагаюць муж і бацькі.
Як адзначаюць спецыялісты, рэгістрацыя шлюбу дома ў Беларусі магчыма, але толькі пры наяўнасці паважлівых прычын, пацверджаных дакументальна: напрыклад, з-за хваробы або абмежаванай рухомасці. Рашэнне прымаецца загсам па месцы жыхарства, а сама працэдура аплачваецца як стандартнай дзяржпошлінай, так і дадатковай паслугай.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку32
Каментары