Форвард можа стаць 19‑м беларусам у Нацыянальнай хакейнай лізе
19‑гадовы беларускі форвард Ілья Протас выкліканы ў асноўны склад «Вашынгтон Кэпіталз», паведамляе прэс-служба клуба.
У гэтым сезоне малодшы брат форварда «Вашынгтона» Аляксея Протаса дэбютаваў у Амерыканскай хакейнай лізе, дзе набраў 62 (28+34) балы ў 66 матчах за «Хершы», дзе з'яўляецца і найлепшым і па галах і па балах (гол+пас).
Сярод усіх хакеістаў АХЛ Протас займае шостае месца па балах, шостае — па колькасці галоў і сёмае — па галах у большасці (10).
Калі Ілля дэбютуе за «Вашынгтон», то стане 19‑м беларусам у Нацыяльнай хакейнай лізе з 1992 года. У гэтым сезоне ў НХЛ гуляюць сямёра беларусаў.
«Вашынгтон» змагаецца за траплянне ў плэй-оф (Кубак Стэнлі). Пакуль займае 12‑ы радок ва Усходняй канферэнцыі (каб трапіць у плэй-оф, трэба быць восьмымі), адставанне складае тры балы.
Таксама інтрыга, ці дагоніць Аляксандр Авечкін Уэйна Грэцкі па колькасці галоў у НХЛ з улікам Кубка Стэнлі (у мінулым годзе расіянін перагнаў канадца па галах у рэгулярных чэмпіянатах).
Да завяршэння рэгулярнага чэмпіянату засталося правесці чатыры матчы. Наступны матч «Вашынгтон» згуляе з «Таронта» ў ноч на чацвер па беларускім часе.
Цяпер чытаюць
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка4
Каментары