У Віцебску на Ратушы з’явілася новая гарадская скульптура — фігурка пажарніка-назіральніка. Яе паставілі на агляднай пляцоўцы вежы, пішуць «Витебские вести».
Месца для размяшчэння скульптуры выбралі не выпадкова. У XIX стагоддзі і да пачатку XX стагоддзя Ратуша выкарыстоўвалася як пажарны назіральны пункт. Там кругласутачна дзяжурыў чалавек, які сачыў за горадам, каб своечасова заўважыць дым або агонь. Гэта было асабліва важна, бо ў той час большасць будынкаў у Віцебску былі драўляныя, і пажары маглі хутка распаўсюджвацца.
Мініяцюрны вобраз пажарніка стварыў скульптар Сяргей Сотнікаў.
Гэта ўжо пятая мініяцюрная скульптура, устаноўленая ў Віцебску ў межах спецыяльнага гарадскога праекта, які пачаўся ў 2025 годзе. Раней у горадзе з’явіліся іншыя фігуркі, у тым ліку закаханая пара на Пушкінскім мосце, а таксама персанажы «Захавальнік гісторыі», «Фатограф» і «Мастак» у гістарычным цэнтры.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары
Навука ім, калі што:
Пажарнік той, хто падпальвае. Пажарны якраз той, хто тушыць падпаленае
дык я якраз той, што ў "0-м намагаўся тушыць падпаленае (?)