Памятаеце легендарную Бабу Раю, якая вяла інстаграм Камароўкі? Яна знікла — справу працягвае яе «ўнучка»
Афіцыйная версія: Баба Рая з’ехала скараць сусвет, а яе стваральнік пайшоў на новую працу. Расказваем, хто ж хаваўся за вобразам бабулі з Камароўскага рынку.
Акаўнт Камароўкі з’явіўся дзесяць гадоў таму — у лютым 2016 года. Тады генеральны дырэктар рынка Мікалай Хмяльніцкі загадаў падначаленым стварыць старонку — а сваіх сваякоў прымусіў першымі на яе падпісацца.
Рэалізоўваць ідэю ўзяўся Іван Ткачук (у той момант ён быў кіраўніком аддзела сацыяльнага развіцця). Менавіта ён раскруціў акаўнт з нуля праз вобраз Бабы Раі.
Чаму менавіта яна? Адказ трэба шукаць ля знакамітай скульптуры Алега Купрыянава, якая стаіць недалёка ад уваходу на крытыя рады. Афіцыйна яна мае назву «Гандлярка семечкамі», але ў народзе бронзавую жанчыну даўно называюць Баба Рая. Згодна з мясцовай легендай, некалі на Камароўцы сапраўды была гандлярка з такім імем, і яе вельмі любілі і дзеці, і дарослыя.
Да працы Іван паставіўся з душой — ён запісваў агляды на розныя тавары, размаўляў з гандлярамі. Яго цікавілі гісторыі людзей, ён быў асабіста знаёмы з усімі, хто прывозіў свае тавары на продаж.
Мужчына разумеў, што цяпер будзе цікавіць аўдыторыю: напярэдадні 8 сакавіка паказваў цюльпаны, да Вялікадня — булкі.
І — за што яго асабліва любілі пакупнікі — аператыўна адказваў на пытанні пра цэны. Звярталіся да Бабы Раі і калі хацелі адшукаць нейкую экзатычную для Беларусі садавіну ці агародніну. Іван ахвотна дапамагаў знайсці ўсё, бо добра ведаў Камароўку. Казаў, што гэтаму культаваму месцу сталіцы можна прысвяціць кнігу.
У сваіх інтэрв’ю Іван параўноўваў кірмаш з тэатрам, адзначаў, што пакупнікі часта ідуць не проста па тавар, а да канкрэтнага гандляра — як тэатралы ідуць у тэатр на выдатнага артыста: «Для паходу на рынак трэба мінімум тры гадзіны: пабадзяцца, прыцаніцца, абраць. І абавязкова пагутарыць! Кожны прадавец пра свайго сталага пакупніка ведае многае: імёны дзяцей, хто чым дыхае, чым захапляецца. Бачу ў гэтым цэлы рытуал, у якім ёсць душэўная эстэтыка».
А сторыс у акаўнце Камароўкі мужчына традыцыйна пачынаў з фразы: «Добрай раніцы, дарагі мой сябручок». Падпісчыкі любілі Івана за шчырасць і харызму. Дарэчы, цяпер на інстаграм Камароўкі падпісана амаль 83 тысячы чалавек.
Летась яшчэ ў жніўні БелТА апублікавала інтэрв’ю з Іванам (ён ужо стаў намеснікам генеральнага дырэктара па развіцці). Але ў верасні ў інстаграме з’явіўся дзіўны допіс, у якім паведамлялася, чаму Камароўка доўга маўчала — бо сышла Баба Рая: «Наша ўсімі любімая і вопытная Баба Рая, тая самая, што ведала ўсе сакрэты найсмачнейшай клубніцы, хрумсткіх агуркоў і самага гаваркога прадаўца, перадае вам вялікае прывітанне. Кажуць, што яна паехала на пошукі інгрэдыентаў для той самай салаты з дзяцінства, рэцэпт якой перадаваўся яшчэ ад яе прабабуляў. А можа, проста стамілася ад інстаграма і з’ехала ў цёплыя краі, каб там удасканальваць рэцэпт фірмовага квасу. Хто ведае! Няхай гэтыя таямніцы застануцца з Бабай Раяй, а мы перадаём ёй наша вялікае прывітанне!».
Абвясцілі і афіцыйную замену Бабе Раі — слова перадалі яе ўнучцы. Але ж такой любові дзяўчына не атрымала. І па сёння беларусы перыядычна абураюцца ў сацсетках, што інстаграм Камароўкі страціў душу.
У каментарах людзі пыталіся, ці ўсё добра з Іванам. У адказ ім пісалі, што той проста знайшоў новую працу.
На пасаду Улькі Пулькі знайшлі новую дзяўчыну. Мінулая сышла праз канфлікт
Чэмпіён Беларусі і Польшчы трапіў за краты праз тое, што збег ад службы ў беларускім войску. А цяпер увогуле знік
«Чароўны трусік» Юрый Дземідовіч узначаліў расійскі правінцыйны оперны тэатр
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў1010
Каментары