На модным паказе ў Мінску ўвядуць строгі дрэс-код. Калі парушыш, білет анулююць
На папярэднім паказе дызайнерка Алена Ацапкіна была ў сукенцы з галавой казулі.
У чэрвені ў Мінску пройдзе модны паказ Fashion Fabrique. Мерыпрыемства арганізуецца ў трэці раз. Трапіць туды зможа не толькі свецкая тусоўка, але і тыя, хто ў яе не ўваходзіць, — па квітках. Як расказала Smartpress.by заснавальніца і прадзюсар праекта Ядвіга Чайкоўская, будзе строгі дрэс-код.
За парушэнне дрэс-кода квіток ці запрашэнне могуць ануляваць.
«Калі чалавек прыходзіць у чырвоным, калі зададзена палітра з белых, бэжавых, карычневых і чорных таноў, гэта счытваецца як непавага да праекта і спроба перацягнуць увагу на сябе. Да таго ж дрэс-код — гэта не фармальнасць, а частка агульнай карцінкі, над якой працуе каманда: ад стылістаў да відэаграфаў. І калі кожны прыйдзе «ў чым захоча», яна разваліцца», — тлумачыць Чайкоўская.
Пры гэтым смелыя вобразы гасцей каманда праекта не забараняе.
Поўны спіс удзельнікаў чэрвеньскага моднага паказу пакуль не разгалошваецца, але ўжо вядомы хэдлайнер шоу — ZNWR. У апошнія гады брэнд у лакальных паказах не ўдзельнічаў, засяродзіўшыся ў асноўным на працы па-за межамі Беларусі.
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары