Урад ЗША будзе рады вітаць нацыянальную зборную Ірана на чэмпіянаце свету па футболе 2026, які пройдзе гэтым летам у ЗША, Канадзе і Мексіцы.
Як заявіў кіраўнік Дзярждэпартамента Марка Рубіа, ніхто не казаў камандзе, «што яны не могуць прыехаць», і караць гульцоў няма за што, паведамляе Bild.
У той жа час Рубіа папярэдзіў, што членам іранскай спартыўнай дэлегацыі могуць адмовіць ва ўездзе, калі ў іх ёсць сувязі з Корпусам вартавых Ісламскай рэвалюцыі.
Калі іранская каманда прыедзе да падпісання мірнага пагаднення, гэта будзе першы выпадак у гісторыі чэмпіянатаў свету па футболе, калі краіна-ўдзельніца знаходзіцца ў стане вайны з краінай-гаспадыняй.
Неаднаразова паведамлялася, што Іран можа адмовіцца ад удзелу ў чэмпіянаце свету з-за вайны ЗША супраць Ірана.
А днямі спецыяльны пасланнік прэзідэнта ЗША па глабальных партнёрствах Паала Замполі прапанаваў ФІФА замяніць зборную Ірана камандай Італіі, што не здолела прайсці адбор на мундыяль.
Паводле слоў крыніц FT, знаёмых з сітуацыяй, гэтая прапанова з’яўляецца спробай аднавіць адносіны паміж Дональдам Трампам і прэм’ер-міністрам Італіі Джорджай Мелоні пасля таго, як паміж імі адбыўся канфлікт на фоне крытыкі, якой ён абмяняўся з Папам Львом XIV з-за вайны з Іранам.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары