Нягледзячы на абвешчанае перамір'е, расійскія войскі працягваюць атакі беспілотнікамі.
Нягледзячы на афіцыйную згоду бакоў на спыненне агню 9—11 мая, расійскія войскі працягнулі абстрэлы жылых кварталаў і інфраструктуры, паведамляе ўкраінскі бок. За другі дзень перамір’я ў Данецкай, Харкаўскай і Херсонскай абласцях атрымалі раненні 19 мірных жыхароў.
Паводле інфармацыі кіраўніка Харкаўскай абласной ваеннай адміністрацыі Алега Сінягубава, каля 22:00 9 мая расійскія дроны атакавалі Індустрыяльны раён горада. Адзін з беспілотнікаў трапіў у тэхнічны паверх дзевяціпавярховага жылога дома.
Сярод пацярпелых — двое 8‑гадовых хлопчыкаў і тры жанчыны ва ўзросце ад 32 да 74 гадоў.
На Херсоншчыне ў выніку абстрэлаў паранена сем чалавек, у тым ліку адно дзіця. Пашкоджаны шматпавярховік і 8 прыватных дамоў.
Расійскімі снарадамі на Данеччыне паранены два жыхары Дружкоўкі, а таксама па адным чалавеку ў Канстанцінаўцы і Дабраполлі.
Паводле УСУ, у паветранай прасторы Украіны з поўначы 10 мая было зафіксавана 27 беспілотнікаў (усе збітыя СПА), аднак вечаровыя атакі 9 мая прывялі да рэальных разбурэнняў і траўмаў сярод грамадзянскага насельніцтва.
Па ініцыятыве прэзідэнта ЗША Дональда Трампа перамір’е абвешчана на 9, 10 і 11 мая.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў53
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1717
Каментары