Свет77

Хто тая «варажбітка», з якой раіўся Андрэй Ярмак?

Падчас судовага пасяджэння Вышэйшага антыкарупцыйнага суда па абранні меры стрымання былому кіраўніку Офіса прэзідэнта Андрэю Ермаку 13 мая стала вядома імя асобы «Вераніка Фэншуй Офіс». З ёй тагачасны кіраўнік ОП, верагодна, раіўся наконт прызначэнняў на вышэйшыя дзяржаўныя пасады. Паводле слоў пракурора Спецыялізаванай антыкарупцыйнай пракуратуры, гэта — Вераніка Анікіевіч. Суд забараніў Ермаку размаўляць з ёю.

У сацыяльных сетках Вераніка Анікіевіч актыўна выказвала сваю падтрымку Андрэю Ермаку

«Схемы» высветлілі, што гэта 51‑гадовая жыхарка Кіева Вераніка Анікіевіч, якая называе сябе кансультанткай па астралогіі. У сацсетках яна актыўна выказвалася ў падтрымку Андрэя Ермака, а ў кантактах карыстальнікаў запісаная як «Вероника Консульт. А.Б.» і «Veronika Anikievich/гадалка Єрмак».

Вераніка Анікіевіч, яна ж Вераніка Даніленка (такое прозвішча мае адна з яе сваячак), называе сябе аўтаркай тэлеграм-канала «Лунные часы». Яна адзначае, што кансультуе па астралогіі: «дапамагаю людзям знайсці яснасць у тэме іх жыццёвых працэсаў». Згодна з яе рэзюмэ, яна скончыла Херсонскі дзяржаўны тэхнічны ўніверсітэт па спецыяльнасці «фінансавы аналіз, кантроль і менеджмент».

Журналісты знайшлі яе акаўнт у фэйсбуку і прааналізавалі каментары ў тэлеграм-чатах. Паведамленне Ермаку пра падазрэнне яна пракаментавала як «спецаперацыю Трампа-Пуціна па капітуляцыі Украіны» і назвала НАБУ і САП «падонкамі», якія «прадаліся рускім». Пры гэтым яна заяўляла, што на іх фоне «Зеля» (прэзідэнт Зяленскі) выглядае «з німбам і крыламі за спінай».

«Схемы» таксама ўстанавілі наступныя факты: у 2015 годзе Анікіевіч ездзіла ў Крым, а яе бацька Фёдар Анікіевіч — грамадзянін РФ.

У 2015 годзе ён узначальваў раённае аддзяленне «Апазіцыйнага блока» ў Генічэску і заяўляў, што мужчыны ўцякаюць ад ваенкаматаў, а яго аднапартыйцы «з павагай ставяцца да Расіі».

Мяркуючы па фота за май 2025 года, дзе ён пазіруе з георгіеўскімі стужкамі і сцягамі РФ, ён працягвае жыць у акупаваным Генічэску.

«Схемы» звярнуліся па каментар да Веранікі Анікіевіч, але пасля прадстаўлення журналісткі тая паклала слухаўку.

12 траўня пракурор САП Валянціна Грабянюк заявіла ў судзе, што былы кіраўнік Офіса прэзідэнта, верагодна, быў датычны да пэўных прызначэнняў на высокія дзяржаўныя пасады. Паводле яе слоў, ён абмеркаваў гэта з чалавекам, які ў кантактах падпісаны як «Офіс Веранікі Фэншуй». У прыватнасці, ён даслаў гэтай асобе даныя аб датах нараджэння кандыдатаў і папрасіў кансультацыі.

Ермака ўзялі на 2 месяцы пад арышт, але ён можа выйсці пад заклад сумай больш за тры мільёны даляраў. Ярмак праходзіць па справе аб легалізацыі 460 мільёнаў грыўняў на элітным будаўніцтве ў Козіне пад Кіевам (2021—2025 гады). Следства лічыць, што грошы былі «адмытыя» праз узвядзенне катэджнага гарадка на 8 гектарах. Сам Ярмак лічыць абвінавачанні неабгрунтаванымі.

Каментары7

  • Бгг
    14.05.2026
    Вы ж понимаете, что это даже не 1% всего? Не понимаете?
  • Валенты
    14.05.2026
    Бгг, а які гэта працэнт? маеш лічбы - давай, з крыніцамі. не маеш, значыцца ўдзельнік спецаперацыі.
  • Filipp
    14.05.2026
    Як так, кралі разам, а судзяць толькі Ермака!

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Сабаленка ўнеслі ў базу «Міратворца» пасля скандалу на матчы з украінкай Світолінай24

«Дзякуй жанчынам, якія дачакаліся». Tor Band паказалі сваю першую рэпетыцыю3

55‑гадовага прадпрымальніка асудзілі за палітыку: ён штодня спрачаўся з ватнікамі ў Z‑чатах10

У тэатры імя Горкага працягваецца капітальны рамонт. Як зменіцца будынак ФОТА1

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця7

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

Больш танныя балістычныя ракеты радыкальна мяняюць правілы вайны1

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць