Беларусбанк анансаваў, што для доступу да банкаўскага дадатку спатрэбіцца дзяліцца геалакацыяй. Інфармацыя пра гэта з'явілася на сайце банка.
Тэхналогія лічбавага адбітку прылады ў анлайн-каналах банкаўскага абслугоўвання фізічных і юрыдычных асоб уводзіцца з 1 ліпеня.
«Пры кожнай спробе ўваходу ў дадатак або інтэрнэт-банк (у тым ліку для юрыдычных асоб) сістэма будзе параўноўваць бягучы лічбавы адбітак прылады з эталонным узорам. Калі зламыснік паспрабуе ўвайсці ў ваш акаўнт з іншай прылады, нават ведаючы лагін і пароль, сістэма распазнае неадпаведнасць і заблакуе падазроную аперацыю. Спробы падмены геалакацыі з дапамогай спецыяльных праграм таксама будуць выяўленыя, бо іншыя параметры прылады не супадуць з эталонам», — гаворыцца ў інфармацыі на сайце банка.
У Беларусбанку патлумачылі, што не абмяжоўваюць колькасць прылад, якія можа выкарыстоўваць кліент для ўваходу — эталонных узораў можа быць некалькі. Гэтыя меры дапамогуць на раннім этапе выяўляць і прадухіляць несанкцыянаваныя плацяжы і пераводы, тым самым забяспечваючы захаванасць сродкаў кліентаў.
Пры першым уваходзе ў банкаўскі дадатак або інтэрнэт-банкінг сістэма сама прапануе даць неабходныя дазволы. Дастаткова выконваць інструкцыі на экране.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць15
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары