У Брэсце верніцу адправілі ў ізалятар за велікодныя размовы з мінакамі на вуліцы
У Брэсце сілавікі затрымалі 23‑гадовую хрысціянку-баптыстку Наталлю Бандарук. Дзяўчыну адправілі ў ізалятар часовага ўтрымання, піша «Хрысціянская візія». Сілавікі вылічылі яе па інстаграме.
23‑гадовую хрысціянку-баптыстку Наталлю Бандарук абвінавачваюць у правядзенні «нелегальнага мітынгу» за тое, што ў дзень Вялікадня яна разам з сябрамі размаўляла на вуліцы з мінакамі пра рэлігійнае свята і паказвала адпаведныя карціны.
Гісторыя пачалася яшчэ 12 красавіка на папулярнай пешаходнай вуліцы Савецкай. Тады міліцыя спакойна праходзіла міма і не мела ніякіх прэтэнзій да вернікаў. Аднак праз два месяцы пасля публікацыі фотаздымка ў інстаграме Наталлю выклікалі на допыт, які доўжыўся больш за тры гадзіны: ад дзяўчыны ў грубай форме і з пагрозамі патрабавалі «здаць» імёны іншых удзельнікаў вулічнай сустрэчы, пасля чаго ў кайданках павезлі ў ІЧУ.
Аднадумцы дзяўчыны заяўляюць, што гэта не быў пікет. Наталля Бандарук з’яўляецца сястрой былога палітвязня Данііла Бандарука.
P. S. Пазней «Хрысціянская візія» апублікавала інфармацыю, што «Наталля Бандарук ужо на свабодзе — яна паведаміла ў сацсетках, што з ёй усё добра, і няма патрэбы пісаць лісты ці падымаць нейкую паніку».
Каментары
Хрысціянскія запаведзі — «Не забівай», «Не крадзі», «Любі бліжняга» — спецыяльна забаронены.
Гэтыя запаведзі дыскрэдытуюць расійскую армію і групу «Вагнер».
Коўл жа яшчэ паедзе ў Менск, мабыць?
Соцсеткі есць што ў Коўла што ў Грэма. А вось англамоўнай версіі НН нажаль няма.
Замест навін па расейскай добра было б ка б была англамоўная версія.