Алёна Свірыдава скараціла колькасць выступленняў з-за хранічнага захворвання
Бліжэйшыя канцэрты запланаваныя на ліпень, пасля чаго ў графіку будзе паўза да кастрычніка, піша Mash.
Паводле інфармацыі сайта, праблемы са здароўем у 63‑гадовай выканаўцы песень «Ружовы фламінга» і «Бедная авечка» пачаліся летась. З восені яна рэгулярна праходзіць лячэнне ў дзённым стацыянары — ужо як мінімум восем разоў, апошні раз у маі.
Пры гэтым Свірыдава працягвае шмат падарожнічаць па краіне і за яе межамі. Вясной і летам адпачывае ў Крыме, дзе мае дом на беразе мора.
Сама артыстка паведаміла Mash, што праблем са здароўем у яе няма і ўсё добра.
Алёна Свірыдава нарадзілася ў Керчы ў Крыме. Калі будучая спявачка была яшчэ малая, яе сям'я пераехала ў Мінск, дзе Алена скончыла школу. Скончыла музычна-педагагічнае аддзяленне тагачаснага Мінскага педагагічнага інстытута. Падчас вучобы вяла вакальную студыю і выступала ў жаночым вакальна-інструментальным ансамблі пры прафкамітэце завода імя Вавілава. Працавала канцэртмайстрам і актрысай у Тэатры імя Горкага.
У 1993 годзе пераехала ў Маскву, дзе збудавала сваю кар'еру.
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?18
Каментары